2 Korintu 10:18 - Sura Malelaha

¹⁸ Lawi ane mampomahileke watanta haduduanta, barake ina nadoko Pue. Agaiana ane napomahileke Pue, manotomi kaNadokonta.

2 Korintu 10:18 ပူးပေါင်းရင်းမြစ်များ

Lukasi 16:15

Agaiana nauliangaahe Yesu, “Mampemanotokau i peitana tauna, agaiana Pue Ala moisa ihi lalumi. Lawi apa au nahaoki manusia, itimi au nakahihi Pue Ala.

Yohane 12:43

Lawi raunde mani ratoia manusia pane natoiahe Pue Ala.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Roma 14:18

Ane nodo peulanta i Kerisitu, ikita ina napokatana Pue Ala hai rabilake ranganta.

Roma 16:10

Tabeangku wori i Apeles, au narumpa ngkaia kapari, agaiana meula liliu i Kerisitu. Tabeangku irihira au i souna Aristobulus.

Roma 2:29

To Yahudi au nadokohe Pue Ala, iami tauna au moulahe Aturana Pue Ala hangko i lalunda hai tou-tou mpuuhe ratile i lalunda. Lempona, nadokohe Pue Ala anti pobagona Inao Malelaha i lalunda, bara anti peulanda i atura-atura au teuki. Tauna itimi au ina natoia Pue Ala. Kehapirihe bara ratoia tauna, agaiana batena napomahilehe Pue Ala.

1 Korintu 11:19

Barato moapa posisisala peamodekau, bona tongawari pae ba hema au maroho peulana i Pue!

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

2 Korintu 10:12

Barangkai mau moula babehianda tauna au mampemapande gagahe i olomi. Barangkai himbela hai ihira. Tauna iti, motoiahe watanda haduduanda, rauli, “manoto mpuu babehianta,” mole rumihiri kantulinda, lawi lolitanda moula pea pekirinda haduduanda.

2 Korintu 13:7

Mekakaengkai i Pue Ala bona Natulungikau datikau mobabehi sala. Barakau kipekakaea bona mampetudungiangkai kamapandeki mobago agaiana bona mobabehikau apa au hintoto hai peundeana Pue Ala. Nauri ara manihe tauna au mosapuaka kuasangki, bara moapa, asala ikamu mobabehi liliukau apa au maroa.

2 Korintu 3:1

Agaiana ineeri nipehangu mampopetoia mbulimongkai! Barangkai nodo bahangkia guru agama au hawe irikamu. Kahawenda i boeami, ihira mampetudungiahe sura petoia hangko i ranganda bona nidokohe. Hai ane paduhe hangko i boeami, merapi worimohe sura petoia hangko irikamu. Ikami bara paraluu sura au nodo.

2 Korintu 5:12

Inee nipehangu kipeinao motoia watangki haduduangki. Kipopaisaakau babehiangki au maroa au peisa nipomahile bona ara rarami mohanaihe tauna au moewangkai. Lawi tauna iti mampomahilehe kamapandenda hai lantinda i dunia ide, agaiana kadake lalunda.

2 Korintu 6:4

I paka-pakana, kibabehi liliu apa au maroa bona tongawa kaikamina topobagona Pue Ala au manoto. Mantahangkai i lalu mampopengaa kasusa hai kapari.

2 Timotiu 2:15

Agaiana oio Timotiu, mopahaweko paturo au tou i kanoto-notoana. Nupakaroho mpuu pampopolumaomu bago iti; ineeko maea. Ane nubabehi nodo, Pue Ala ina mampokatana bagomu hai Naimbako topobagoNa au maroa.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.