2 Korintu 1:23 - Sura Malelaha

²³ Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

2 Korintu 1:23 ပူးပေါင်းရင်းမြစ်များ

Suro 18:1

Roo indo, padumi Paulu mopalehi wanua Atena lao i wanua Korintu.

Suro 18:8

Ara hadua tadulako i sou penombaa au hungku i souna Titius, hangana Krispus. Ia hai ope-ope au ara i souna mepoinalai i Pue Yesu. Hai bosa wori to Korintu au mohadi bambari au napahawe Paulu, alana mepoinalaihe hai rariumohe.

Roma 1:9

Pue Ala au kupobagoa hangko i lalungku i lalu pobambaringku Ngkora Marasa kana i AnaNa, Iami au mewali sabingku, noumba kakukabelaimi bela-belangku mekakae.

Roma 9:1

Apa au kuuli ide hangko i lalungku mpuu. Barana modongko. Kerisitu moisa lalungku. Hai notona lalungku ide nasabiki Inao Malelaha.

1 Korintu 4:21

Mewali, umba au niunde: Hawena mokambaroakau hai lolita au makasara ba mopaturokau hai lolita au maalusu, au buke pepokaahi.

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

2 Korintu 1:1

Sura ide hangko iriko Paulu, au naangka Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai, kipakatu irikamu jumaa au ara i wanua Korintu hai i ope-ope to Sarani au i propinsi Akaya.

2 Korintu 1:18

Bara nodo halalu! Nodo Pue Ala mopabukei ope-ope dandiNa irikita, nodo wori dandiki irikamu. Bara kiuli, “Io” irikamu ane tunggaiaki: “Bara.”

2 Korintu 10:2

kuperapi bona barapi paraluu kutudungiakau kuasangku ane hawena irikamu! Lawi ara mpuu tunggaiaku mampetudungia kuasangku i tauna au manguli babehiangki nodo pea babehianda tauna au bara moisa Pue Ala.

2 Korintu 11:10

Tou mpuu apa au kuuli ide, lawi paturona Kerisitu au tou ara i lalungku. Matana lalungku lawi barana merapi ba apa-apa irikamu. Hai apa au kubabehi iti bara ina tebali iumba pea pobagoangku i humalele tampo Akaya.

2 Korintu 11:11

Moapa hai mololitana nodo? Ba barakau kupokaahi, halalu? Pue Ala moisa kamaahina lalungku irikamu.

2 Korintu 11:31

Ope-ope au kuuli inona tou, barana modongko. Pue Ala, Umana Pue Yesu, iami sabingku! Tatoiami hawe i hae-haena!

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 13:2

Tangangku hihimbela hai ikamu i karombelana, kuweihe lolita i tauna i olomi au mobabehi dosa. Mewali, ide-ide, kehapirina karao hangko irikamu, kuhuleki mbuli lolitangku irikamu tauna au madosa hai i ope-ope tauna ntanina. Ane hawena deade hai ane bara manihe mampenosoi babehianda, ina makasara lolitangku; barahe ara hadua au ina tekabaha hangko i pehuku.

2 Korintu 6:6

I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

Galatia 1:20

(Tou mpuu apa au kuuki ide. Pue Ala moisa lalungku!)

Pilipi 1:8

Pue Ala moisa ntepuu noumba kakukabilaimi, hai pekabilaingku ide nodo kamaahina Kerisitu Yesu irikamu.

1 Tesalonika 2:5

Bona niisa halalu-halalu, barangkai mopahawe lolita au momi. Bara ara tunggaiaki au kadake bona molambingkai ba apa hangko irikamu. Pue Ala sabingki!

1 Timotiu 1:20

Arahe rodua au marugi pepoinalainda iami Himeneus hai Aleksander. Ihira iti kuhuhuhe i kuasana Datu Tokadake bona molambihe pehuku datihe mopapakoi kuasana Pue Ala.