1 Yohane 5:20 - Sura Malelaha

²⁰ Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

1 Yohane 5:20 ပူးပေါင်းရင်းမြစ်များ

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Lukasi 24:45

Roo indo, Yesu mobungkahi pekirinda kana i apa au teuki i lalu Sura Malelaha.

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 10:30

Iko hai UmaNgku, hadua peaNgkai.”

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 14:9

Nauli Yesu, “Bara maniNa pae nuisa, Pilipu? Mahaemoke hihimbela! Hema au moitaNa, moita wori UmaNgku. Mewali, moapari hai nuperapi bona Kutudungiakau UmaNgku?

Yohane 15:4

Mohintuwu liliumokau hai Iko, hai Iko wori ina mohintuwu hai ikamu. Daa au bara mentaka i patoa anggoro, bara mowua. Batena pea daa au mentaka i patoana ina mowua. Nodo wori ikamu: barakau peisa mowua ane barakau mohintuwu liliu hai Iko.

Yohane 17:14

Kupahaweamohe lolitaMu, ido hai rakahihihe tauna au bara mepoinalai, lawi barahe hampepekiri hai ihira, himbela hai Iko baraNa hampepekiri hai tauna iti.

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 20:28

Nauli Tomas, “Oiomi Ampuku hai Pue Ala au kupenombai!”

Yohane 8:42

Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

Epesu 3:18

Mekakaena bona ikamu hihimbela hai ope-ope tauna au mepoinalai i Kerisitu ina moisa kamahilena ahina Kerisitu irikita. AhiNa iti melumbu hangko i apa au tabuku tahowara, bara tehoka kakaladuna, hai bara wori tabuku mohoka kamahilena. Mekakaena bona nihadi ahiNa iti i lalu katuwomi hai bona pambiarami himbela hai Pue Ala.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Ibarani 1:8

Agaiana Pue Ala mampololita kana i AnaNa, nauli node: “Oio Pue Ala, kadatuamu bara mokahopoa; Oio moparenta i lalu kahintimba.

1 Yohane 2:23

Tauna au mosapuaka Anana Pue Ala, barahe mohintuwu hai Pue Ala Umanta. Tauna au mopangaku Yesu Anana Pue Ala, mohintuwu worihe hai Pue Ala Umanta.

1 Yohane 2:24

Mewali, halalu, bambari au nihadi hangko i nguru-nguruna, iti au hangangaa nipailalu liliu. Ane mopailalukau bambari iti, ina mohintuwukau hai Pue Ala Umanta hai Yesu AnaNa.

1 Yohane 2:6

Hema-hema au manguli mohintuwuhe hai Pue Ala, babehianda hangangaa moula babehiana Kerisitu.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

1 Yohane 4:16

Ido hai taisa hai tapoinalai ahina Pue Ala irikita, lawi Pue Ala iami ahi. Mewali, hema au mampokaahi liliu halaluna, iami au mohintuwu hai Pue Ala, hai Pue Ala mohintuwu hai ia.

1 Yohane 4:2

Ide au mopakanotoake hema au nakuasai Inaona Pue Ala: ope-ope tauna au mopangaku kaYesuna Datu Topehompo au mewali manusia, tauna iti napoanamohe Pue Ala.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

1 Yohane 5:15

Hai ane taisa kanapehadingiNa pamperapita, taisa wori kamolambita apa au taperapi Iria.

1 Yohane 5:18

Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.

1 Yohane 5:5

Hema au peisa monangi hinangkana au kadake i dunia ide? Batena pea tauna au mampoinalai Yesu Anana Pue Ala.

Pampetudungia 15:3

Mamponanimohe nanina nabi Musa, hawina Pue Ala hangkoia, hai nani pebilanda i Ana Dimba. Node naninda: “O Pue Ala, mahile hai maroa ntepuu babehiaMu, Melumbu kuasaMu hangko i hinangkana! Ope-ope au Nubabehi, manoto hai tou. Oiomi datunda ope-ope tauna i dunia.

Pampetudungia 19:11

Roo indo, kuita suruga tebungkahi, hai kuita hambaa dara au bula. Hai au mesawi i dara iti, rahanga: “Au Tetida hai Au Manoto.” Manoto pebotusiNa, hai ane mombeala, mombeala i kanoto-notoana.

Pampetudungia 3:14

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Laodikia: Idemi lolitana Pue Yesu, au rahanga ‘Amin’. Iami Sabi au mopahawe liliu apa au tou. Iami Patoana ope-ope au napopewali Pue Ala.

Pampetudungia 3:7

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Filadelfia: Idemi lolitana Pue Yesu au malelaha hai au manoto. Ia au mokingki pegili baba i kadatuana Daudi. Ane Ia au mobungkahi, bara ara au peisa motuko. Ane Ia au motuko, bara ara au peisa mobungkahi.

Pampetudungia 6:10

Mongangahe masisimbuku, rauli, “O Pue au makuasa, Pue au malelaha hai manoto! Hangkia mani kamahaena, hangko Nuhukurihe tauna au kadake au maida i dunia? Kiperapi bona Nuhurungi babehianda au mopapatengkai.”