1 Yohane 4:11 - Sura Malelaha

¹¹ Halalu au kupokaahi, nodomi kamahilena ahina Pue Ala irikita! Ido hai hangangaa mombepokaahi worike hadua hai hadua.

1 Yohane 4:11 ပူးပေါင်းရင်းမြစ်များ

Lukasi 10:37

Nahanai guru agama, “Tauna au motudungia ahina.” Nauli Yesu, “Kanami. Ido hai hangangaa nubabehi wori nodo.”

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

Epesu 4:31

Mewali, nikabahami ope-ope babehia au node: hai lalu, karumpu, pepailalu, pobungka, pepakadake, hai pekakabosai. Nikabahami babehia iti hai hinangka babehia au kadake.

Kolose 3:13

Hangangaa sabarakau i poantinda hangka rangami. Niampungi rangami au masala irikamu. Nodo Pue moampungi salanta, ikita wori hangangaa moampungike ranganta au masala irikita.

1 Yohane 2:7

Halalu au kupokaahi, hawa au kuukiakau ide, bara hawa au wou. Hawa ide, mahaemi rapahawe irikamu hangko i nguru-nguruna. Hawa ide iami bambari au mahaemi nihadi au mopaturokau bona mombepokaahikau hadua hai hadua.

1 Yohane 3:11

Idemi bambari au nihadimi hangko i mpolinguruna: hangangaa mombepokaahike hadua hai hadua.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

1 Yohane 4:7

Halalu au kupokaahi! Mombepokaahimoke hadua hai hadua, lawi ahi mentumbu hangko i Pue Ala. Ope-ope tauna au mampokaahi ranganda, ihira au napoana Pue Ala hai au moisa Pue Ala.

2 Yohane 1:5

Mewali, kuperapi irio Ina, bona mombepokaahike hadua hai hadua. Ide, bara hawa au wou, agaiana hawa au tahadimi hangko i mpolinguruna.