1 Yohane 3:9 - Sura Malelaha

⁹ Ope-ope tauna au napoana Pue Ala, barapohe mobabehi dosa, lawi poantina Pue Ala arami i lalunda. Barapohe mobabehi dosa, lawi napoanamohe Pue Ala.

1 Yohane 3:9 ပူးပေါင်းရင်းမြစ်များ

Matiu 7:18

Bara ara kau au maroa au kadake wuana, hai bara ara kau au kadake au maroa wuana.

Yohane 1:13

Mewalihe anana Pue Ala bara hangko i ulu bubunda, ba anti posamboko tauna ba anti i peundea manusia. Batena pea mpuu Pue Ala au mampopewalihe anaNa.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Suro 4:20

Lawi barapi peisa kipengkaroongaa mampololita apa au kiita hai au kihadimi.”

Roma 6:2

Inee tapehangu nodo halalu! Bara hintoto ane mobabehi liliuke dosa, lawi matemoke hihimbela hai Kerisitu bona dosa barapi makuasa irikita.

Galatia 5:17

Lawi peundeana lalunta au kadake moewa peundeana Inao Malelaha. Ane tapeulai peundeana lalunta au kadake, bara tababehi apa au maroa moula peundeana Inao Malelaha; hai ane tapeulai peundeana Inao Malelaha, bara tababehi apa au kadake au ara i lalunta.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

1 Peturu 1:23

Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

1 Yohane 3:6

Mewali, ope-ope tauna au mohintuwu hai Ia, barapohe mobabehi dosa. Ope-ope tauna au mobabehi manihe dosa, barahe ina moita ba moisa Yesu.

1 Yohane 4:7

Halalu au kupokaahi! Mombepokaahimoke hadua hai hadua, lawi ahi mentumbu hangko i Pue Ala. Ope-ope tauna au mampokaahi ranganda, ihira au napoana Pue Ala hai au moisa Pue Ala.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

1 Yohane 5:18

Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.

1 Yohane 5:4

lawi ope-ope tauna au napoana Pue Ala monangihe hinangka au kadake i dunia ide. Anti pepoinalainta, monangike hinangkana au kadake iti.

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.