1 Yohane 2:28 - Sura Malelaha

²⁸ Kaliliuana anangku, hangangaa mohintuwu liliuke hai Kerisitu bona i kahaweNa hule deade, baimoke lao i lindoNa, hai barapoke maea Nakahawei.

1 Yohane 2:28 ပူးပေါင်းရင်းမြစ်များ

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Lukasi 17:30

Nodo wori kamampomaleanda tauna i kahaweNgku hule, Iko Ana Manusia, i dunia.

Roma 9:33

Katehubeanda iti tepahawe i lalu Sura Malelaha hangkoia. Datu Topehompo rapandiri nodo haogu watu. Nodo au teuki i Sura malelaha node: “Peita: Kuwoli haogu watu i Bulu Sion, Bosa tauna tehube i watu iti, alanda tepalumba. Agaiana hema-hema au mepoinalai Iria, peharunganda ina tepabukei.”

1 Korintu 1:7

duuna barapi ara kamakurana pewati au nilambi. Nilambimi paka-pakana kamapande hangko i Inao Malelaha, tangami mampegia kahawena hule Amputa Yesu Kerisitu.

1 Korintu 15:23

Agaiana ope-ope tauna ina rapatuwo hule moula tempo au tepatokami au nguru-nguruna iami Kerisitu. Roo indo i kahawe huleNa i dunia ide, ope-ope tauna au meula Iria ina rapatuwo hulehe.

Epesu 3:12

Anti pohintuwuta hai Kerisitu Yesu hai anti pepoinalainta Iria, baimoke mohungkuki Pue Ala hai barapi bata-bata lalunta.

1 Tesalonika 2:19

Kipeinao mpuu mosondakikau, lawi ane hawemi Amputa Pue Yesu hai moguluke i lindoNa, ikamumi au mewali wua pobagongki au kipokatana. I tempo iti ina mahile ntepuu kamatanana lalungki anti kaikamuna.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

1 Timotiu 6:14

hangangaa nupeulai ope-ope hawa ide i karoa-roakana dati ara kamasalamu duuna hawe hule Amputa Yesu Kerisitu

2 Timotiu 4:8

Mewali ide-ide, tepasilolongami paraseengku i suruga anti penangingku, lawi kupeulaimi peundeana Pue. Paraseengku iti ina naweina Pue, Topebotusi au manoto i alo pebotusi. Hai bara iko pea au ina molambi parasee iti. Agaiana ina rawei worihe ope-ope tauna au hangko i lalunda mampegia kahaweNa hule Pue.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.

1 Yohane 2:1

Anangku, ide kuukiakau bona ineekau mobabehi dosa. Agaiana ane ara au mobabehi dosa, arami hadua au mamperuruike i lindona Pue Ala Umanta, iami Yesu Kerisitu au manoto.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

1 Yohane 3:21

Mewali, halalu au kupokaahi, ane barapoke nasalai lalunta, baimoke mohungkuki Pue Ala,

1 Yohane 4:17

Ane mampokaahike halalunta moula peundeana Pue Ala, barake langa i Pue Ala i alo pebotusi. Ina baike mampombelindoa Pue Ala, lawi apa au tababehi i lalu dunia ide moula apa au nababehi Kerisitu.

1 Yohane 5:14

Baimoke mekakae i Pue Ala, lawi taisa kaNapehadingina pamperapita, asala pamperapita moula peundeaNa.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!