1 Timotiu 6:20 - Sura Malelaha

²⁰ Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

1 Timotiu 6:20 ပူးပေါင်းရင်းမြစ်များ

Suro 16:1

Paulu mopaliliu polumaona lao i wanua Derbe hai i wanua Listra. I wanua Listra, ara hadua tobalilo au mepoinalai i Yesu, hangana Timotiu. Inana Timotiu, to Yahudi au mepoinalai wori i Yesu. Umana to Yunani.

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 17:21

(Lawi biasana to Atena hai tauna ntanina au maida inditi, raunde pea mampehadingi hai mampololita liliu apa au wou.)

Roma 1:22

Rapehangu mapandemohe, mole ntulitorihe!

Roma 3:2

Ngkaia mpuu rasi irikita to Yahudi, hai mahile pobunduana! Kaisa-isa, i toYahudimi Pue Ala mopahawe NgkoraNa.

1 Korintu 2:6

Nauri nodo, ane mololitangkai i tauna au marohomi pepoinalainda i Kerisitu, mampololita mpuungkai kapande. Agaiana au kipahawe iti, bara nodo kapande au hangko i dunia ide ba kapandenda tadulako au kamakuasanda ina tuna.

1 Korintu 3:19

Lawi apa au rauli kapande manusia, nodo pekiri tontuli i peitana Pue Ala. Ara au teuki i lalu Sura Malelaha node: “Pue Ala mopakala tauna au mapande i lalu kamapandenda haduduanda.”

Kolose 2:18

Mewali, ineekau hawe rapakanawo tauna iti. Mengka-mengkahe mengkaiwoi hai menombahe i malaeka. Rauli kapandenda iti hangko i apa au natudungiahe malaeka. Paturonda iti mesuwu hangko i lalunda haduduanda au mokanai pea dunia ide. Ineehe nipogiangaa tauna iti mosalaikau.

Kolose 2:8

Maroa-roakau bona dati ara tauna au mopawulikau hai mopari-parikau meula i paturo agama au sala hai au bara mobundu. Lawi paturonda iti iami paturo au mesupa pea hangko i pekiri manusia hai rapaturokau moula ada hai atura au mokanai pea dunia ide. Paturonda iti mosisala hai paturo au tou au mampopatoa Kerisitu,

2 Tesalonika 1:4

Ido hai i jumaa ntanina, kitoiakau i lindonda halalunta hampepepoinalai. Anti kamatanangki, ido hai kiuliangaahe: “To Tesalonika iti, nauri rapopeahi-ahihe hai narumpahe kapari, batena mepoinalai liliuhe i Pue Yesu.”

2 Tesalonika 2:15

Mewali halalu, nipakaroho pepoinalaimi, mekingki liliukau i hinangka au kipaturoamokau, maroa au kiuliangaakau ba au kiukiakau i lalu surangki.

1 Timotiu 1:11

Paturo au tou iti talambi i lalu Ngkora Marasa hangko i Pue Ala au mahile tuwoNa hai au hintoto ratoia. Ngkora Marasa iti napoinalaiana Pue Ala bona kubambari i ope-ope tauna.

1 Timotiu 1:2

Sura ide kupakatu irio Timotiu au kupoanamoko lawi himbela pepoinalainta. Mekakaena i Pue Ala Umanta hai i Kerisitu Yesu Amputa bona Nawatiko, hai Natudungiako ahiNa, hai Naweiko roa ngkatuwo.

1 Timotiu 1:4

Nukontohe bona ineehe mampololita lolita au rabababehi ba au bara tou kana i ulu bubunda au bara mau hopo. Ope-ope iti mopaara pea pobungka-bungka, lawi barahe mampeulai tunggaiana Pue Ala au taisa hangko i pepoinalainta.

1 Timotiu 1:6

Arahe bahangkia tauna au barapohe mampeulai rara ide. Morara ntanihe hangko i rara au manoto, hai mampombehanaingi liliuhe lolita au bara mobundu.

1 Timotiu 1:9

Hangangaa takatuinao apa tunggaiana Aturana Musa bona kana katapopobunduna. Aturana Musa barake rawei bona mokambaroa tauna au manoto babehianda. Agaiana tunggaiana bona mokonto: tauna au madosa tauna au molingkai atura iti, tauna au meewa, tauna au barahe mengkoru i Pue Ala, tauna au barahe moagama, tauna au mohaoki pea peundeana laluna, tauna au mopapate inana hai umana ba tauna ntanina,

1 Timotiu 4:7

Ineeko motende tempomu lao mampehadingi lolita au bara tou hai au moanti peake mampeulai peundeana lalunta au kadake. Agina nupakaroho lalumu mengkoru i Pue Ala.

1 Timotiu 6:11

Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

1 Timotiu 6:14

hangangaa nupeulai ope-ope hawa ide i karoa-roakana dati ara kamasalamu duuna hawe hule Amputa Yesu Kerisitu

2 Timotiu 2:1

Mewali, Timotiu anangku! Nupakaroho mpuu lalumu hai karoho au tahumba hangko i Kerisitu Yesu moula kabulana laluna Pue Ala.

2 Timotiu 2:16

Nukaraohi lolita au bara mobundu. Lawi lolita iti bara moanti tauna i katuwo au malelaha, agaiana kakakaroarihe hangko i Pue Ala.

Titu 1:14

Weihe lolita bona ineemohe mohaile lolitanda to Yahudi au moula pea parenta-parenta hangko i manusia au mosapuaka paturo au tou.

Titu 1:4

Sura ide kupakatu irio Titu, au kupoanamoko, lawi hampepepoinalaike. Mekakaena i Pue Ala Umanta hai i Kerisitu Yesu Datu Topehoremanta bona Nawatiko, hai Naweiko roa ngkatuwo.

Titu 1:9

Hangangaa maroho pepoinalaina i paturo au tou, nodo au nadokomi bona naisa rara mopaguru tauna i paturo au tou iti hai mopakaroho lalunda, hai bona nabuku wori mopatongawa kamasalanda tauna au moewa paturo iti.

Titu 3:9

Agaiana ara worihe tauna au mombehehe hai mampombehanaingi atura agama Yahudi ba tuntukana pemuleanda. Nukaraohihe! Nupalehi peamohe i pombembehanainda au bara mobundu hai au bara moanti pewati i tauna.

Pampetudungia 3:3

Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.