1 Tesalonika 5:12 - Sura Malelaha

¹² Halalu, kiperapi bona nibilahe tauna au mobago mantimi i lalu bagona Pue i olomi, lawi ihira napileimohe Pue bona monini hai mopaturokau.

1 Tesalonika 5:12 ပူးပေါင်းရင်းမြစ်များ

Lukasi 10:7

Ane radokokau, ineekau melimba-limba. Maidakau i sou iti duumi meangka lao i boea ntanina. Niande hai nienu apa au raweikau lawi hintoto mpuu ane topobago molambi sarona.

Yohane 4:38

Kutudukau lao mepare i bonde au bara ikamu au motudai. Tauna ntanina au mantuda, ikamu au mampepare wua pobagonda.”

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Roma 16:12

Tabeangku wori i Tripena hai Triposa, au mobagohe i Pue Yesu, hai i Persis, au kupokaahi, au mobago mantimi wori i lalu bagona Pue.

Roma 16:6

Hai tabeangku wori i Maria, au mobago rumihimi irikamu.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 16:16

bona niula paturonda hai paturonda ope-ope ranganda au mampopolumao liliu bagona Pue.

1 Korintu 16:18

Halalunta iti mopamatanahe lalungku, nodo karapamatanana lalumi. Ido hai kuperapi bona nibilahe tauna au nodo ihira.

1 Korintu 3:9

Ikami hampopobago peangkai i lalu bagona Pue Ala, hai ikamu, halalu, peisakau rapandiri nodo bondena Pue Ala. Ikamu peisa worikau rapandiri nodo souna Pue Ala.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 5:9

Mewali tapeinao mobabehi apa au maroa, au mopakatana laluna Pue, i tempota mani tuwo i dunia ide ba i tempona hihimbelamoke hai Pue.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 4:11

Au kupokalanga, bara ina mobundu kamawowengku mopahawe Ngkora Marasa irikamu.

Pilipi 2:16

i lalu pobambarimi Ngkora Marasa au mopaara katuwo maroa. Mewali halalu, ane nodo liliu babehiami, ina matana lalungku i kahawena hule Kerisitu, lawi babehiami iti ina mopakanoto kadana mbero-mbero pobagongku i olomi; ara mpuu wuana.

Pilipi 2:19

Ane napokana Pue Yesu, ara tunggaiaku motudu Timotiu lao mosondakikau bona ane mesule mai, ina tepalindona mohadi bambarimi.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

1 Timotiu 5:1

Ane mopaturoko hadua tobalilo au matinuwu hangko irio, ineeko makasara. Agina nukambaroa hai lolita au maalusu, nuimba umamu. Nodo wori i anantomoane, nuimbahe halalumu,

1 Timotiu 5:20

Ane ara mpuu salana, nukambaroa i lindonda jumaa bona au ntanina langahe mampeulai babehiana.

2 Timotiu 2:6

Hai tauna au mampopolumao bagona Pue peisa rapandiri nodo hadua topobonde. Ane ia madota mobago, batena ia au nguru-nguruna moande wua tuda-tudana.

Titu 1:3

Mewali, i tempo au Napakanoto, Napopaisaake rara molambi katuwo maroa melempo i bagongku mobambari Ngkora. Bago iti Napoinalaiana moula hawana Pue Ala, au mohoremake hangko i huku dosanta.

Titu 1:5

Titu, anangku, kupopaida liliuko i Kreta bona mourusiko pobagonta au bara mani roo. Mewali, nodo au roomoko kuhawaa, hangangaa nuangka tauna i ope-ope wanua au peisa motadulakoi to Sarani inditi.

Titu 2:15

Mewali, Titu, ope-ope ide hangangaa nupaturoahe. Nupakaroho lalunda hai nuweihe lolita. Ineeko maea, lawi raweimoko kuasa mopaguruhe. Ineehe nupogiangaa bahema pea mopapakoiko.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

Ibarani 13:7

Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.

Pampetudungia 1:20

Pitu oguna betue au nuita i taie koanaNgku hai biti hulo bulawa au pitu mbuana, ina Kupakanotoako lempona: betue au pitu oguna, lempona pitu tadulako au mokadipura pitu jumaa. Hai biti hulo bulawa au pitu mbuana, lempona pitu jumaa.”

Pampetudungia 2:12

Roo indo, nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Pergamus: Idemi lolitana Pue Yesu au mopake piho momata pontimali.

Pampetudungia 2:18

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Tiatira: Idemi lolitana Anana Pue Ala au mataNa mewangka nodo rore api hai bitiNa mengkila-ngkila nodo suasa au hangko roo rahowu.

Pampetudungia 2:3

Mantahakau i lalu kapari anti pepoinalaimi Iriko, hai bara malede lalumi meula Iriko.

Pampetudungia 2:8

Roo indo, nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Smirna: Idemi lolitana Pue Yesu, Ia pepongkana hai au kahopoana, au mate agaiana tuwo hule.

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

Pampetudungia 3:14

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Laodikia: Idemi lolitana Pue Yesu, au rahanga ‘Amin’. Iami Sabi au mopahawe liliu apa au tou. Iami Patoana ope-ope au napopewali Pue Ala.

Pampetudungia 3:7

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Filadelfia: Idemi lolitana Pue Yesu au malelaha hai au manoto. Ia au mokingki pegili baba i kadatuana Daudi. Ane Ia au mobungkahi, bara ara au peisa motuko. Ane Ia au motuko, bara ara au peisa mobungkahi.