1 Tesalonika 4:7 - Sura Malelaha

⁷ Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.

1 Tesalonika 4:7 ပူးပေါင်းရင်းမြစ်များ

Roma 1:7

Ido hai kupakatu sura ide irikamu, to Sarani i Roma, lawi Pue Ala mampokaahikau hai mokakiokau mewali taunaNa au malelaha. Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Galatia 5:19

Ina tongawa, ane tauna mobabehi peundeana lalunda au kadake. Pandirina: motambi-tambi dele, mobabehi babehia au kedai hai babehia au merikai,

Epesu 1:4

Hangko damani dunia rapopewali, Napileimoke Pue Ala mohintuwu hai Kerisitu bona mewalike taunaNa au malelaha au bara ara kamasalanta i peitaNa.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 4:19

Barapi raisa maea, ido hai moula pearaihe peundeana lalunda au merikai, hai raunde peami mobabehi hinangkana babehia au bara hintoto.

1 Tesalonika 2:3

Barakau kiwawaha mampeulai paturo au sala. Bara wori ara tunggaiana lalungki au kadake, hai barangkai mampeinao mopakanawo ba hema pea.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

2 Peturu 2:10

Mantimi mpuu pehukuNa Pue Ala i tauna au raoaka moula peundeana lalunda au kadake hai au mopapakoi kuasaNa. Ane guru agama au mepakanawo iti, baihe mampemahile, hai barahe langa mopapakoi apa au meawa i suruga.