1 Tesalonika 4:5 - Sura Malelaha

⁵ Ineekau naanti peundeana lalumi au kadake, nodo au biasa mewali i tauna au barahe moisa Pue Ala.

1 Tesalonika 4:5 ပူးပေါင်းရင်းမြစ်များ

Matiu 6:32

Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

Lukasi 12:30

Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

Suro 17:23

Kuisa iti, lawi i polumaongku i lalu wanuami inona, kuita penombaami hai kuita wori hambua watu penombaa au ara ukina node: ‘Penombaa i Pue au Bara Taisa.’ Mewali, pue au nipenombai au bara niisa, itimi au ina kupahaweakau.

Roma 1:24

Ido hai Napogiangaa pearaihe Pue Ala mampeulai peundeana lalunda au kadake, alana mobabehihe babehia au merikai hai hore mombedaihihe.

Roma 1:26

Mewali, anti kadanda mau menomba i Pue Ala, ido hai Napogiangaamohe moula peundeana lalunda au mepakaea iti. Hawe-hawe i towawine, barapi tedii lalunda i tobalilo. Agaiana hadua-hadua towawine mampotambiarihe hangka towawinenda.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 15:34

Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.

Galatia 4:8

Hangkoia hangko damanikau moisa Pue Ala, mengkorukau i anitu, au bara makuasa.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

1 Peturu 4:3

Lawi mahae gagamokau mobabehi babehianda tauna au barahe moisa Pue. I tempo iti, merikai babehiami, moulakau peundeana lalumi au kadake, malangu-langukau, mosusa liliukau, masurokoakau, hai menombakau i anitu au bara hintoto rapenombai.