1 Tesalonika 4:3 - Sura Malelaha

³ Ide peundeanami Pue Ala bona malelaha katuwonta, hai mokaraohikau babehia au merikai.

1 Tesalonika 4:3 ပူးပေါင်းရင်းမြစ်များ

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Matiu 15:19

Lawi hangko i lalunta mesupa hinangkana pekiri au kadake, alana ara au mepapate, mebualosi, metie, manangka, mosabi dongko hai mengkora-ngkora.

Matiu 5:32

Agaiana ide-ide Kuuliangaakau, hema au mampogaaki towawinena au barato masala iria, madosa, lawi anti kanapogaakina, ia moanti towawinena mebualosi, ane towawinena iti motambi hule. Hai tobalilo au mampotambia towawine au napogaaki rangana, mebualosi worimi.”

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

Markus 3:35

Lawi hema-hema au mobabehi peundeana Pue Ala, ihirami halaluNgku hai ihirami inaNgku.”

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Suro 15:20

Agina taukiahe hambua sura mopaturohe bona ineehe moande paande au rapopenomba i anitu, ineehe maande wahe hai ineehe maande bau hangko i binata au matempudu. Hai tauliangaa worihe bona ineehe motambi-tambi dele hai ineehe mebualosi.

Suro 15:29

Ineekau moande paande au rapopenomba i anitu. Ineekau maande wahe, hai ineekau maande onto binata au matempudu. Ineekau motambi-tambi dele hai ineekau mebualosi. Ane nipakarao ope-ope babehia ide hangko i katuwomi, handami. Hampa indemi lolitangki.”

Suro 20:32

Ide-ide, halalu, kupekakaeakau i Pue Ala bona Nakadipurakau. Kuweikau lolita bona mampeulai liliukau Ngkorana Pue au mopakanotoake kabulana laluna Pue Ala irikita. Lawi Pue Ala pea au makuasa mopakaroho lalunta hai moweike pewati au Napasilolongaamohe tauna au Napatani mewali anaNa au malelaha.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Roma 1:29

Lalunda buke hai hinangka au kadake hai au bara manoto. Mehiorohe, kadakehe, mahinahe; rapeinao peami mepapate, mobungka-bungkahe, meakalangihe, mombepailaluhe, hai meuli-ulihe,

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

1 Korintu 7:2

Agaiana bona datihe ara au mobabehi sala, agina motambi peamokau. Maroa ane ope-ope tobalilo ara towawinenda hai ope-ope towawine ara tobalilonda.

2 Korintu 12:21

Au kupokalanga: i kahawengku irikamu, Pue Ala Ampuku ina mopakaeana i lindomi, hai ina moteriana lawi bosa tauna i olomi bara manihe menoso hangko i babehianda au kedai, hangko i pebualosinda hai i potambi-tambi dele hai babehianda au merikai hai au bara hintoto rababehi.

Galatia 5:19

Ina tongawa, ane tauna mobabehi peundeana lalunda au kadake. Pandirina: motambi-tambi dele, mobabehi babehia au kedai hai babehia au merikai,

Epesu 5:17

Mewali, ineekau ntuli, nipekiri maroa babehia apa au naunde Pue.

Epesu 6:6

Inee nibabehi nodo i lindonda pea ampumi bona ratoiakau. Mobagokau nodo hawina Kerisitu au moula peundeana Pue Ala hangko i lalumi.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Tesalonika 4:2

Lawi niisami paturo au kipahaweakau hai kuasana Pue Yesu.

1 Tesalonika 4:4

Ikamu tobalilo, hangangaa mohintuwukau hai towawinemi moula rara au maroa i peitana Pue Ala hai i peitana manusia.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

2 Tesalonika 2:13

Halalu-halalu au napokaahi Pue, hintoto mpuungkai manguli liliu ngkaia kamaroana i Pue Ala anti kaikamuna. Lawi Pue Ala mopileikau hangko i nguru-nguruna bona tehoremakau hangko i huku dosami anti pepoinalaimi i bambari au tou. Napileimokau bona Nahoremakau anti kuasana Inao Malelaha au mampopewalikau taunana Pue Ala au malelaha.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 10:36

Kehapiri apa pea au mewali, hangangaa mantahake. Nipeulai liliu peundeana Pue Ala hai ina molambikau apa au Nadandiakau.

Ibarani 12:16

Nipamaroa-roa babehiami bona datikau ara au mebualosi ba mobabehi babehia au merikai. Ineekau ara au bara meula i peundeana Pue Ala nodo Esau hangkoia, lawi ia bara moholoi pewatina Pue Ala hangko i katowutuna. Kirana au katouana nahumba hangko i umana anti katowutuna, napobaluri i adina, naintolohi pea hai hantabo paande.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.

1 Yohane 2:17

Dunia ide, hihimbela hai hinangka ihina, au naunde manusia ina magero. Agaiana tauna au moula peundeana Pue Ala batenda tuwo i hae-haena.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.