1 Tesalonika 4:17 - Sura Malelaha

¹⁷ Hai roo indo, ikita au tuwo manike i tempo iti ina Naoreke hihimbela hai ihira lao i lalu gawu mampohidupaa Pue Yesu i laerawa. Hai ina maidake hihimbela hai Pue hawe i hae-haena.

1 Tesalonika 4:17 ပူးပေါင်းရင်းမြစ်များ

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 14:3

Ane roomoNa mopasilolonga paidaami, ina mesule huleNa maikau Kuala, bona iumba pea kaaraaNgku, inditi worikau hihimbela hai Iko.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Suro 1:9

Karoona mololita nodo, teangkami Yesu lao i suruga. Rapengoami duuna barapi raita lawi nabalungkuhi gawu.

Suro 8:39

Pesorenda hangko i owai, unga pea Inaona Pue Ala moanti Pilipu padu hangko inditi. Mewali, to Etiopia iti barapi moita Pilipu, lawi unga pea matanta. To Etiopia iti mopaliliumi polumaona hai matana mpuu laluna.

1 Korintu 15:52

Ope-ope iti pewalina hangkapira mata pea ane ratawuemi tatamburu au kahopoana. Lawi ane tatamburu iti ratawue, Pue Ala ina mopatuwo hule tomate, hai Naweihe wata au barapi ina mate. Hai ikita au tuwo manike, Nawouki wori watanta.

2 Korintu 5:8

Ido hai maroho liliu lalunta. Kehapirike mate, taporasi lawi ane mogaake hai watanta ide, tanoananta ina hihimbela hai Pue.

Pilipi 1:23

Au rompaka iti mombedii mani i lalungku. Kupeinao mopalehi dunia ide hai laona maida hihimbela hai Kerisitu, lawi iti au maroa ntepuu.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 4:15

Idemi paturo au kidoko hangko i Pue Yesu: i kahawena hule Pue Yesu, ikita au tuwo manike, barake ina mampehindorungi ranganta au matemohe.

1 Tesalonika 4:18

Mewali halalu, hangko i bambari ide, hangangaa mombepalindoke hadua hai hadua.

1 Tesalonika 5:10

Yesu Kerisitu mate mopahuruke bona ane hawe deade, ina tuwoke hihimbela hai Ia. Kehapiri matemoke ba tuwo manike i tempo iti, batenta ina tuwo hihimbela hai Ia.

2 Peturu 3:13

Agaiana ikita mampegiake apa au nadandimi Pue Ala, iami langi hai dunia au wou, au rapaidai tauna au manoto.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Pampetudungia 11:12

Roo indo, rodua sabi iti mohadi hambua wotu hangko i suruga au mokakiohe node: “Mengkaoremokau mai!” Teore mpuumohe lao i suruga nabalungkuhi gawu, hai pengkaorenda iti raita-ita mata ope-ope iwalinda.

Pampetudungia 12:5

Moana mpuumi towawine iti, hadua tobalilo. Anangkoi itimi au ina moparenta humalele dunia hai rohoNa au nodo kamaroho lai besi. Hangko da tepaka Anangkoi iti naame naga, Ia raala hai raanti lao i Pue Ala bona moparenta sambela hai Ia i lalu suruga.