1 Tesalonika 4:11 - Sura Malelaha

¹¹ Nipari-pari mohintuwu hai rangami. Nipopolumao maroa bagomi haduduami, inee nipesuaki urusiana rangami. Mobagokau mohaoki paandemi, nodo au kipaturoamokau hangkoia.

1 Tesalonika 4:11 ပူးပေါင်းရင်းမြစ်များ

Markus 13:34

Ane hawe suleNa, pewalina nodo ngkora pandiri ide. Hadua ampu sou motunggai lao i wanua au karao. Hangko damani meangka, mampohawaamohe taunana mokadipura souna, hadua-haduahe nawei bagonda. I topokadipura baba, nauliangaa: ‘Mainga-ingako!’

Suro 18:3

hai maidami inditi hihimbela hai ihira. Mobago sambelahe, lawi bagona Paulu himbela hai bagonda, mobabehihe atu bambaru hangko i koli binata.

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Roma 12:11

Hangangaa madotakau mobago i Pue, ineekau lohe. Hangangaa nipopolumao bagona Pue hangko i lalumi.

Roma 15:20

Idemi peundeaku bona moanti liliuna Ngkora Marasa i tampo ntanina au bara manihe mohadi hangana Kerisitu. Bara kuunde moaro sou i wongko watu au naaro tohaduana.

1 Korintu 4:12

Mobago mantimingkai haduduangki. Ane arahe au motunda-tundangkai, kihurungihe hai pewati. Ane arahe au mampopeahi-ahingkai, kitodiha pea.

2 Korintu 5:9

Mewali tapeinao mobabehi apa au maroa, au mopakatana laluna Pue, i tempota mani tuwo i dunia ide ba i tempona hihimbelamoke hai Pue.

Epesu 4:28

Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

1 Timotiu 2:2

ope-ope datu hai ope-ope topoparenta. Hangangaa tapekakaeahe topoparenta bona maroa katuwonta hai bara ara tauna au mampopeahi-ahike bona peisake menomba i Pue Ala hai mobabehi liliuke babehia au hintoto rabila ranganta.

1 Timotiu 5:13

Mewali, ane mangura manihe, inee rauki hanganda i lalu sura poukia hanga-hanga tobemba. Lawi biasana lohehe mampopolumao bagonda au hintoto i lindona Pue, hai mesonda-sonda pea bagonda. Hai bara pea iti, agaiana moanti-anti worihe lolita i ranganda. Raunde peami mampesuaki urusiana ranganda, hai mopahawe liliuhe lolita au bara hintoto rahowara.

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

1 Peturu 3:4

Pongkana kamakarami mesupa hangko i lalumi. Hangangaa maalusu babehiami hai lolitami. Itimi kamakara au bara ara katebaliana, hai au napokatana Pue Ala.

1 Peturu 4:15

Agaiana inee mpuu ara hadua i olomi au molambi kapari lawi mepapate ba manangka ba mobabehi au kadake ba mampesuaki peami urusana rangana.