1 Tesalonika 3:5 - Sura Malelaha

⁵ Ido hai kutudu Timotiu lao irikamu bona kuisa noumba pepoinalaimi, lawi barapi kubuku motaha kamabilangku. Hai kupokalanga, nakelokau pae Datu Tokadake duuna napakanawokau hai barapi mobundu pobagongki mobambari Ngkora Marasa irikamu.

1 Tesalonika 3:5 ပူးပေါင်းရင်းမြစ်များ

Matiu 4:3

I tempo iti, hawemi Datu Tokadake mouliangaa, “Ane tou-tou AnanaKo Pue Ala, Nutuduhe watu ide mewali roti!”

Suro 15:36

Hangko indo, nauli Paulu i Baranaba, “Mesulemoke lao mosondaki halalu hampepepoinalainta i ope-ope boea au tapoliungi hangkoia i tempota mobambari Ngkorana Pue bona taita noumba katuwonda.”

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

2 Korintu 2:11

Ido hai kuuli agina taampungi woia bona dati ara katepakana Datu Tokadake mokeloke. Lawi taisa, Datu Tokadake iti mapande moakalangi tauna bona manawohe i dosa.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 2:2

Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

Galatia 4:11

Au kupokalanga, bara ina mobundu kamawowengku mopahawe Ngkora Marasa irikamu.

Epesu 4:14

Mewali, ane nodo kamarohona pepoinalainta, barapoke ina holi-holi rapakanawo nodo anangkoi, lawi pekiri anangkoi nodo hehi au nawui himburu node hou node mai. Agaiana ikita, barapoke nodo. Barapoke ina mampeulai hinangka paturo hangko i tauna au mepawuli hai mepakanawo.

Pilipi 2:16

i lalu pobambarimi Ngkora Marasa au mopaara katuwo maroa. Mewali halalu, ane nodo liliu babehiami, ina matana lalungku i kahawena hule Kerisitu, lawi babehiami iti ina mopakanoto kadana mbero-mbero pobagongku i olomi; ara mpuu wuana.

Pilipi 2:19

Ane napokana Pue Yesu, ara tunggaiaku motudu Timotiu lao mosondakikau bona ane mesule mai, ina tepalindona mohadi bambarimi.

1 Tesalonika 2:1

Halalu-halalu, niisato kadana mpuu mbero-mbero wowengki mosondakikau i boeami.

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”