1 Tesalonika 3:1 - Sura Malelaha

^1-2 Kahopoana, barapi kibuku motaha kamabilangki. Ido hai kiuli, agina mepegiangkai i wanua Atena, hai halalunta Timotiu kitudu lao irikamu halalungki i Tesalonika. Timotiu iti, rangangki i lalu bagona Pue Ala, lawi ia wori mopahawe Ngkora Marasa kana i Kerisitu. Mewali kitudumi Timotiu lao irikamu, kiuliangaa, “Oiomi au lao mosondakihe halalunta i Tesalonika, hai nupakaroho pepoinalainda.”

1 Tesalonika 3:1 ပူးပေါင်းရင်းမြစ်များ

Suro 17:15

To sarani iti, mamporangaihe Paulu hawe i wanua Atena. Roo indo, mesulemohe i Berea moanti tewaina Paulu i Silas hai Timotiu bona hoholigahe mekulele.

Suro 17:16

Tangana Paulu mampegia Silas hai Timotiu i Atena, masusa laluna moita kangkaiana watu molindo au rapenombai to Atena.

2 Korintu 2:13

Agaiana nauri nodo, bara tinda lalungku, lawi bara manina mampohidupaa Titu au moanti bambari kana irikamu halalu. Ido hai mepalakanamona i halalungku inditi bona maina inde mohaoki Titu i Makedonia.

1 Tesalonika 2:17

Halalu, hangko i pogaanta au sangka ide, mabila mpuungkai irikamu. Kehapirike mogaa-gaa, agaiana ara liliukau i lalungki. Anti kamabilangki, kihaoki mpuu rara bona laongkai mesonda irikamu.

1 Tesalonika 3:5

Ido hai kutudu Timotiu lao irikamu bona kuisa noumba pepoinalaimi, lawi barapi kubuku motaha kamabilangku. Hai kupokalanga, nakelokau pae Datu Tokadake duuna napakanawokau hai barapi mobundu pobagongki mobambari Ngkora Marasa irikamu.