1 Tesalonika 2:7 - Sura Malelaha

⁷ Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

1 Tesalonika 2:7 ပူးပေါင်းရင်းမြစ်များ

Suro 13:18

Roo indo, i lalu iba pulona parena kamahaena, Pue Ala sabara moita pesapuakanda i polumaonda i pada wungi.

1 Korintu 2:3

Hawena irikamu, maledena, hai moradana anti kalangangku.

1 Korintu 9:22

Ane arana hihimbela hai tauna au bara mani maroho pepoinalainda, kubabehi mpuu nodo ihira bona kutulungihe meula i Kerisitu. Mewali, i ope-ope tauna au kupombelambia, kuhaoki rara bona mewalina nodo ihira bona ane peisa, arahe au kuanti mepoinalai i Kerisitu.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 13:4

Hangkoia Kerisitu rapaku i kau mombehape anti kamaledena nodo manusia. Agaiana anti kuasana Pue Ala, Ia tuwo hulemi. Ikami malede woringkai nodo Kerisitu. Agaiana anti kuasana Pue Ala, molambingkai katuwo au wou hihimbela hai Kerisitu. Mewali ane hawena deade, ina niita mpuu kuasa au naweingkai Pue Ala iti.

Galatia 4:19

Halalu, kuimba mpuumokau anangku. Hai ide-ide mapari lalungku mampepekirikau. Kamaparina lalungku ide nodo kamaparina hadua towawine au ina moana. Hai ina mapari liliu lalungku duuna poantimi himbela hai poantina Kerisitu.

1 Tesalonika 2:11

Niisami poantiki irikamu ope-ope, nodo hadua uma i anana. Kipakaroho lalumi hai kiweikau lolita,

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.