1 Tesalonika 2:16 - Sura Malelaha

¹⁶ Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.

1 Tesalonika 2:16 ပူးပေါင်းရင်းမြစ်များ

Matiu 12:45

Ido hai laomi mokakio pitu hangka setana au meliu kakadakenda hangko iria. Lao mpuumohe mesua i tauna au napalehi hangkoia, hai maidamohe inditi. Kahopoana, tetambaimi kakadakena tauna iti hangko i nguru-nguruna. Nodomi pewalina i tauna au kadake i tempo ide.”

Matiu 23:32

Mewali, nipaliliu peami mobabehi dosa moula babehianda toiorumi!

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Matiu 24:6

Ina mohadikau pombeala ba bambari pombeala agaiana inee nipowulunga. Lawi ope-ope iti hangangaa mewali hampai, agaiana bara mani hawe kahopoa dunia.

Matiu 3:12

Ia peisa rapandiri nodo hadua tauna au motapihi pare bona tepatani pare au moihi hai tepatani wori pare au wara. Pare au moihi napopesua i lalu tambaru, hai pare au wara natende i api.”

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Suro 13:45

Roo indo, mahinamohe to Yahudi moita kabosana tauna au mampehadingi lolitana Paulu. Ido hai rapapakoi hai rasapuaka ope-ope lolitana.

Suro 13:50

Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:2

Agaiana to Yahudi au barahe mepoinalai mohuwekihe lalunda tauna bosa au bara to Yahudi bona mokahihihe tauna au mepoinalai i Pue Yesu.

Suro 14:5

Mewali to Yahudi hai ope-ope tadulakonda hihimbela hai au barahe to Yahudi, hintuwumohe mampopeahi-ahi hai mowatui suro au rodua iti.

Suro 17:13

Bara mahae hangko inditi, rahadimi to Yahudi au i wanua Tesalonika popahawenami Ngkorana Pue Ala i wanua Berea. Ido hai laomohe i Berea mohuweki lalunda tauna bosa.

Suro 19:9

Agaiana ara bahangkia tauna au matua lalunda au bara raunde mepoinalai. I lindonda tauna bosa, mosapuakahe Paturona Pue Yesu. Ido hai napalehimohe Paulu lao hihimbela hai bahangkia to Sarani i paidaa pepaguruana Tiranus. Paidaa iti mahile hai paka raposikolai. Alo-alona Paulu mepaturo inditi.

Suro 21:21

Agaiana mohadimohe bambari kana irio. Rauli, nupaturohe to Yahudi au mampogaloa tauna au barahe to Yahudi bona barapohe mampeulai Aturana Musa. Rauli, nupaturohe bona ineehe motile ananda hai ineehe mampeulai adanda toiorunta hangkoia.

Suro 23:12

Kahalona, mogombo ngkandiimohe bahangkia to Yahudi. I pogombonda, modandimohe hai mosumpahe, rauli kadanda hampai maande ba maenu ane bara manihe mopapate Paulu.

Suro 24:9

Ope-ope to Yahudi au ara inditi, meula worihe mosalai Paulu hai mampokana lolitana Tertulus.

Suro 25:2

Kahawena inditi, kapala-kapala tadulako mpenomba hai tadulakonda to Yahudi laomohe i Festus mopahawe pesalainda kana i Paulu.

Suro 25:7

Kahawena Paulu inditi, aramohe to Yahudi au hangko i Yerusale meangka motoleliki Paulu, hai rasalai. Ngkaia pakana pepakanawo au kadake au raraia, agaiana popahawenda iti bara peisa rapakanoto.

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Suro 9:23

Bahangkia alona hangko inditi, mogombomohe to Yahudi bona mopapate Saulu.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

Galatia 5:11

Halalu, arahe tauna au mouli kaikona au mopaguru tauna mampeulai ada mpetile Aturana Musa. Bara tou lolitanda iti! Ane kenodo pepaturongku, kebara ara to Yahudi au moewana. Idemi au kupaturoakau: hangangaa mepoinalaike i Kerisitu, lawi anti kapatena Kerisitu au rapaku i kau mombehape, ido hai peisake mewali manoto i peitana Pue Ala. Anti pepaturongku ide, ido hai to Yahudi iti rumpuhe hai rapopeahi-ahina.

Epesu 3:13

Ido hai pane kuperapi bona inee masusa lalumi mohadi karapopeahi-ahingku hai karatarungguku anti poantiku Ngkora Marasa irikamu, lawi apa au kutodiha ide moanti pewati irikamu.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

1 Tesalonika 1:10

Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

2 Tesalonika 2:10

Ope-ope akalana au kadake napake mopakanawo tauna au tepakanotohe rahuku. Ina marugihe, lawi barahe mau mampoinalai Ngkorana Pue au peisa mohoremahe hangko i huku dosanda.

1 Timotiu 2:4

Lawi peundeaNa bona ope-ope tauna tehorema hangko i huku dosanda, hai moisahe paturo au tou.

Ibarani 6:8

Agaiana ane tampo iti nakatuwoi hule dana hai dui, barapi ara pobunduana, mewali ina ragane hai kahopoana ina rahuwe. Nodo wori tauna au mousuli hangko i pepoinalainda ina nahukuhe Pue Ala.

Pampetudungia 22:11

Lawi ane hawemi tempo iti: Tauna au kadake, pogiangaamide mobabehi au kadake. Tauna au madosa, pogiangaamide madosa. Tauna au manoto, pogiangaamide mobabehi au manoto. Tauna au malelaha, pogiangaamide mobabehi au malelaha.”