1 Tesalonika 2:14 - Sura Malelaha

¹⁴ Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.

1 Tesalonika 2:14 ပူးပေါင်းရင်းမြစ်များ

Suro 11:19

Mewali, mepongka hangko i karapapatena Setepanu, topepoinalai i Yesu au ara i Yerusale rapopeahi-ahi liliuhe, hai bosahe au melangka lao i boea ntanina. Arahe au hawe i tampo Fenisia, ara worihe au hawe i lewuto Siprus hai i wanua Antiokia. I ope-ope boea au rapolumaongi, mopahawehe Ngkorana Pue Ala i hangka to Yahudinda pea.

Suro 13:50

Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:2

Agaiana to Yahudi au barahe mepoinalai mohuwekihe lalunda tauna bosa au bara to Yahudi bona mokahihihe tauna au mepoinalai i Pue Yesu.

Suro 14:4

Agaiana ampu boea iti bararihe hintuwu. Arahe au ntanda i to Yahudi, hai ara worihe au ntanda i surona Pue Yesu.

Suro 14:5

Mewali to Yahudi hai ope-ope tadulakonda hihimbela hai au barahe to Yahudi, hintuwumohe mampopeahi-ahi hai mowatui suro au rodua iti.

Suro 17:13

Bara mahae hangko inditi, rahadimi to Yahudi au i wanua Tesalonika popahawenami Ngkorana Pue Ala i wanua Berea. Ido hai laomohe i Berea mohuweki lalunda tauna bosa.

Suro 18:12

I tempona Galio mewali gubernur i tampo Akaya, hintuwumohe to Yahudi moewa Paulu. Paulu raanti i lindona gubernur, hai

Suro 8:1

Saulu wori mampokana karapapatena Setepanu iti. Mepongka alo iti, ope-ope topepoinalai i Pue Yesu au ara i Yerusale rapopeahi-ahi mpuumohe, alana mahawuhe i humalele tampo Yudea hai Samaria. Batenda pearai surona Pue Yesu au barahe melangka.

Suro 8:3

Hai i tempo iti, Saulu mampopeahi-ahi liliu tauna au mepoinalaihe i Pue Yesu. Ope-ope sounda nasuaki, hai ope-ope tauna au mepoinalai i Yesu, maroa tobalilo maroa towawine, nahakahe hai naantihe lao ratarunggu.

Suro 9:1

I tempo iti, koi ntepuu inaona Saulu, hai napeinao peami mampopalanga hai mopapate tauna au mepoinalai i Pue Yesu. Ido hai laomi i Tadulako Mpenomba Mahile

Suro 9:13

Nahanai Ananias, “Io, Pue. Agaiana, bosa tauna mololita kana i babehiana Saulu iti. Ia rumihi pampopeahi-ahina tauna au mepoinalai Irio i wanua Yerusale.

Suro 9:31

Mewali i tempo iti, tauna au mepoinalai i Pue Yesu barapohe rapopeahi-ahi i tampo Yudea, Galilea hai Samaria. Tetambaimi topepoinalai i Yesu, hai kamaroho-rohoami pepoinalainda, lawi mengkoru mpuuhe i Pue Ala, hai Inao Malelaha mopakaroho lalunda.

1 Korintu 10:32

Ineeke mobabehi apa pea au mopakanawo ranganta, maroa to Yahudi ba tauna au barahe to Yahudi ba halalunta hampepepoinalai au mengkoru i Pue Ala.

1 Korintu 7:17

Hangangaa tapokatana katuwonta au Napakanotoake Pue Ala i kaNakakionta mewali anaNa. Itimi parentaku au kupaturoahe ope-ope jumaa iumba pea kalaoangku.

Galatia 1:22

Hungkaku inditi, barana hambela lao i tampo Yudea; ido hai to Sarani inditi bara manihe hambela moita lenggeku.

1 Tesalonika 1:1

Sura ide hangko irikami: Paulu, Silas hai Timotiu. Kipakatuakau jumaa i Tesalonika au mohintuwumokau hai Pue Ala Umanta hai Pue Yesu Kerisitu! Mekakaengkai i Pue Ala bona Nawatikau hangko i kabulana laluNa hai Naweikau roa ngkatuwo.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 3:4

Tangangki mani hihimbela hai ikamu hangkoia, kiuli amimi kaina rapopeahi-ahinta tauna. Hai ide-ide mewalimi.

2 Tesalonika 1:1

Sura ide hangko irikami: Paulu, Silas hai Timotiu. Sura ide kipakatu irikamu halalungki hampepepoinalai i Tesalonika au menombakau i Pue Ala Umanta hai i Pue Yesu Kerisitu! Mekakaengkai bona Pue Ala Umanta hai Pue Yesu Kerisitu mowatikau hai moweikau roa ngkatuwo.

2 Tesalonika 1:4

Ido hai i jumaa ntanina, kitoiakau i lindonda halalunta hampepepoinalai. Anti kamatanangki, ido hai kiuliangaahe: “To Tesalonika iti, nauri rapopeahi-ahihe hai narumpahe kapari, batena mepoinalai liliuhe i Pue Yesu.”