1 Tesalonika 1:6 - Sura Malelaha

⁶ Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 1:6 ပူးပေါင်းရင်းမြစ်များ

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Yohane 8:12

Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”

Suro 13:52

Topepoinalai i Pue Yesu i Antiokia, nakuasaimohe Inao Malelaha hai matana mpuu lalunda.

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Suro 9:31

Mewali i tempo iti, tauna au mepoinalai i Pue Yesu barapohe rapopeahi-ahi i tampo Yudea, Galilea hai Samaria. Tetambaimi topepoinalai i Yesu, hai kamaroho-rohoami pepoinalainda, lawi mengkoru mpuuhe i Pue Ala, hai Inao Malelaha mopakaroho lalunda.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

1 Korintu 11:1

Nipeulaimi poantiku, nodo iko mampeulai poantina Kerisitu.

1 Korintu 11:2

Kaliliuana halalu, kutoiakau lawi i paka-pakana nikatuinao liliuna, hai nipeulai liliu paturongku au kupahaweakau.

1 Korintu 4:16

Ido hai kuperapi ntepuu halalu, bona nipeulai babehiangku.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

2 Korintu 8:5

Kabulana lalunda meliu hangko i apa au kiharunga. Bara pea doi au rakira. Mengkoru i Pue Ala, hai mengkoru worihe irikami moula peundeana Pue Ala.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Epesu 5:1

Mewali, lawi napoanamokau Pue Ala hai Napokaahikau, ido hai hangangaa moulakau poantina Pue Ala.

Pilipi 3:17

Halalungku ope-ope, kuperapi bona nipeulai babehiangku. Tangangki hihimbela hai ikamu, kipopaitaamokau babehia au maroa. Hangangaa mampopandirikau tuwonda tauna au moula babehiangki.

2 Tesalonika 1:4

Ido hai i jumaa ntanina, kitoiakau i lindonda halalunta hampepepoinalai. Anti kamatanangki, ido hai kiuliangaahe: “To Tesalonika iti, nauri rapopeahi-ahihe hai narumpahe kapari, batena mepoinalai liliuhe i Pue Yesu.”

2 Tesalonika 3:7

Niisa mpuu babehiangki halalu, barangkai lohe mobago i tempoki hihimbela hai ikamu hangkoia. Babehia iti hangangaa nipopandiri.

2 Tesalonika 3:9

Katouana, barangkai masala ane merapingkai irikamu. Agaiana kiunde mewali pandiri au maroa irikamu bona nipeulai.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

1 Peturu 1:6

Ido hai hangangaa matana liliukau. Ide-ide masusa lalumi lawi ara ngkaia pakana kapari au morumpakau. Agaiana nauri nodo, hangangaa nipamatana lalumi, lawi kaparimi iti hampalai pea.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

1 Peturu 3:13

Hema pae au ina mobabehi dake irikamu ane nibabehi liliu babehia au maroa?

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.