1 Tesalonika 1:10 - Sura Malelaha

¹⁰ Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

1 Tesalonika 1:10 ပူးပေါင်းရင်းမြစ်များ

Matiu 1:21

Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Matiu 3:7

Bosa wori tadulako agama Yahudi au rahanga toParisi hai toSaduki maihe mampoperiu i Yohane. Kanaitanda hawe, nauliangaahe, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?

Lukasi 2:25

I Yerusale, ara hadua tauna au rahanga Simeo. Simeo iti, iami tauna manoto au mengkoru i Pue Ala, hai ia mampoinalai kaina hawena tempona Pue Ala mokabaha to Isaraeli. Hai ia naporangai Inao Malelaha au mouliangaa kadana mani mate ane bara mani moita Datu Topehompo au nadandi Pue Ala.

Lukasi 3:7

Bosa tauna lao mampoperiu i Yohane, agaiana nauliangaahe Yohane, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?

Suro 1:11

Rauli tauna au rodua iti, “Ee to Galilea! Moapari hai mengoa liliukau? Yesu au niita teangka lao i suruga ina mai hule hangko i suruga nodo au niita inona.”

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

Suro 2:32

Yesumi au natunggai Daudi i lolitana iti. Lawi Iami au napatuwo hule Pue Ala. Ikami ide mewali sabiNa, lawi kiita mata katuwoNa hule.

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

Suro 3:21

Ide-ide, Yesu maida i suruga, hai batena ara liliu indora duuna hawe tempona Pue Ala mopawou hinangkana, nodo au rapahawe nabiNa au malelaha hangkoia.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Roma 8:34

Barapi ara au ina manguli hangangaa rahukuke. Lawi Yesu Kerisitu au matemi mohuru dosanta, hai au tuwo hulemi, hai au mohuda ntanda i koanana Pue Ala, Iami au mamperuruike.

1 Korintu 1:7

duuna barapi ara kamakurana pewati au nilambi. Nilambimi paka-pakana kamapande hangko i Inao Malelaha, tangami mampegia kahawena hule Amputa Yesu Kerisitu.

Galatia 3:13

Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

Pilipi 3:20

Agaiana halalu, ikita ampu surugake. Hai hangko indora mai, tapegia kahawena Amputa Yesu Kerisitu. Ia au mohoremake hangko i huku dosanta,

Kolose 1:18

Ikita au mepoinalai i Kerisitu rapandiri nodo wata, hai Kerisitu iami waa. Nodo waa moparentai wata, nodo wori Kerisitu moparentai ope-ope tauna au mepoinalai Iria. Ia au moweike katuwo au wou, lawi Iami au Towutu, lempona, Ia au nguru-nguruna tuwo hule hangko i kapate. Ido hai Ia mewali patoana hinangka au ara.

1 Tesalonika 1:7

Mewali, ide-ide babehiami rapeulai ope-ope halalumi hampepepoinalai i tampo Makedonia hai Akaya.

1 Tesalonika 2:16

Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.

1 Tesalonika 2:7

Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

1 Tesalonika 5:9

Napileike Pue Ala bona barake rahuku, agaiana Napileike bona molambike katuwo maroa i lalu kaNahoremanta Amputa Yesu Kerisitu.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Ibarani 10:27

Barapi ara au peisa taharunga, batena pearai karumpuna Pue hai api pehukuNa au rumihi, au ina mopapumpu hinangka iwaliNa.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

1 Peturu 2:21

Idomi pongkana pane nakakiokau Pue Ala bona maroa babehiami kehapirikau rapopeahi-ahi. Lawi Kerisitu mohalea kapari anti kaikamuna, hai Ia mewali pandiri irikamu bona nipeulai poantiNa.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

2 Peturu 3:12

Lawi ikita ide mampegiake alo pebotusina Pue Ala. Agina tapamaroa-roa peulanta i Pue Ala bona holiga hawe Alo iti. I alo iti, langi ina naande api, hai hinangkana au ara ina magonu anti kamapanana.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!