1 Peturu 5:10 - Sura Malelaha

¹⁰ Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

1 Peturu 5:10 ပူးပေါင်းရင်းမြစ်များ

Lukasi 22:32

Agaiana Kupekakaengaako Simo bona dati maguli pepoinalaimu. Mewali, ane menosoko hai mesuleko Iriko, hangangaa nupakaroho lalunda halalumu.”

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 15:5

Taperapi Pue Ala mohuweki lalunta hai mopakarohoke bona mantahake i lalu kapari, bona mohintuwukau hadua hai hadua anti peulami i Kerisitu Yesu

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Roma 9:11

Hangko damanihe rodua anangkoi iti mesupa hai raisa mobabehi apa pea au maroa ba au kadake, Napileimohe Pue Ala dati rauli Napileihe anti babehianda agaiana Napileihe moula peundeaNa haduduaNa.

Roma 9:24

Ikita idemi au Napilei molambi pewati iti, hai bara pea to Yahudi, agaiana ara wori au bara to Yahudi.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

1 Korintu 1:9

Pue Ala mokakiokau bona mohintuwukau hai AnaNa, Yesu Kerisitu Amputa, hai Ia mopabukei liliu dandiNa irikita.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

Kolose 2:7

Mewali, hangangaa nipakaroho hai nipatetida lalumi Iria. Nipakaroho pepoinalaimi, nodo au rapaturoamokau. Hai niuli liliu ngkaia kamaroana i Pue Ala.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

2 Tesalonika 2:14

Nakakiokau Pue Ala i lalu pohadimi Ngkora Marasa au kipahaweakau bona molambikau kirami i peawana tuwona Amputa Yesu Kerisitu.

2 Tesalonika 3:3

Pue Yesu bara mokabaha pekadipuraNa irikamu. Ia ina mopakaroho lalumi hai mampeparaikau hangko i Datu Tokadake.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.

1 Peturu 1:15

Hangangaa malelahakau i hinangka babehiami, nodo Pue Ala au malelaha tuwoNa au mopileimokau.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.

2 Peturu 1:3

Hangko i kuasaNa au mahile, Pue Ala moweike hinangka au taparaluu bona maroa katuwonta hai maroho peulanta Iria. Naweimoke ope-ope iti, lawi moisamoke Pue Ala au mokakioke mewali anaNa anti peawana tuwoNa hai kamaroana laluNa.

1 Yohane 2:25

Hai idemi dandiNa irikita: katuwo maroa au bara mokahopoa.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.