1 Peturu 4:12 - Sura Malelaha

¹² Halalu au kupokaahi! Inee nipotingkara kapari au morumpakau. Kapari iti peisa rapandiri nodo api, lawi napake Pue Ala mampetandaka kamarohona pepoinalaimi. Agaiana inee nipehangu kapari au morumpakau iti melumbu hangko i apa au biasana.

1 Peturu 4:12 ပူးပေါင်းရင်းမြစ်များ

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

1 Korintu 3:13

Mewali, ane sou iti naande api, ina taisa mpuu pakakasi sou au maroa hai au bara maroa, lawi pakakasi au maroa ina mantaha, agaiana pakakasi au bara maroa ina pumpu naande api. Nodo wori i kahawena hule Pue, Ia ina moparesa pobagonda ope-ope tauna maroa ba bara.

2 Timotiu 3:12

Taisami: ope-ope tauna au meula i Kerisitu Yesu hai au mengkoru i Pue Ala batena ina rapopeahi-ahi.

1 Peturu 2:11

Halalu au kupokaahi! Ikita i lalu dunia ide, nodoke torare ba topolilo, lawi maidake i olonda tauna au barahe mepoinalai i Pue Ala. Ido hai kuweikau lolita: ineekau moula peundeana lalumi au kadake, lawi iti moewa tunggaiami mengkoru i Pue Ala.

1 Peturu 4:4

Agaiana ide-ide, rapowulimi rangami au hangkoia lawi barapohe niporanga mobabehi hinangka babehia au kadake. Ido hai rakakabosaimokau.

1 Peturu 5:9

Hangangaa niewa mpuu hangko i pepoinalaimi au maroho. Lawi niisa: halalumi hampepepoinalai i humalele dunia molambi worihe kapari nodo au nihumba.