1 Peturu 3:8 - Sura Malelaha

⁸ Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

1 Peturu 3:8 ပူးပေါင်းရင်းမြစ်များ

Matiu 18:33

Moapari hai bara nupokaahi hangka hawimu, nodo kakupokaahimu?’

Lukasi 10:33

Bara mahae hangko indo, moliu wori hadua to Samaria i rara iti. Kamoitana tauna au marugi iti, maahi laluna iria.

Suro 2:1

Kahawena alo mahilenda to Yahudi au rahanga Alo Pentakosta, ope-ope tauna au mepoinalai i Yesu moguluhe i hambua paidaa.

Suro 27:3

Kahalona, mehupengkai i wanua Sidon. Maroa mpuu laluna Yulius i Paulu, ido hai Paulu nawei katepaka mosondaki rangana i lalu wanua bona apa au naparaluu peisa rawei.

Suro 28:7

Bara karao hangko inditi, ara halimbo bonde, bondena Publius, gubernur i lewuto iti. Anti kamaroana laluna, nakakiomongkai lao i souna, hai napotorarengkai i lalu talu alona.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Roma 12:10

Mombepokaahikau hadua hai hadua nodo topohalalu, hai mombeadaikau.

Roma 15:5

Taperapi Pue Ala mohuweki lalunta hai mopakarohoke bona mantahake i lalu kapari, bona mohintuwukau hadua hai hadua anti peulami i Kerisitu Yesu

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

1 Korintu 12:26

Ane ara hadua ranganta au mahai, hangangaa mantodiha sambelake. Ane ara hadua ranganta au ratoia, ikita ope-ope ina matana sambela worike.

Epesu 4:2

Hangangaa mengkaiwoikau hai hangangaa maalusu poantimi i paka-pakana. Hangangaa peisakau modoko hangka rangami nauri niisa kamakurana, hai hangangaa sabarakau anti kamaahimi hadua hai hadua.

Epesu 4:31

Mewali, nikabahami ope-ope babehia au node: hai lalu, karumpu, pepailalu, pobungka, pepakadake, hai pekakabosai. Nikabahami babehia iti hai hinangka babehia au kadake.

Epesu 4:32

Hangangaa maroa lalumi, mampokaahikau rangami, hai niampungi salana hangka rangami, nodo Pue Ala moampungi salami anti pohintuwumi hai Kerisitu.

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

Pilipi 3:16

Ide paraluu ntepuu: hangangaa tuwoke moula apa au taisami hawe ide-ide.

Kolose 3:12

Pue Ala mampokaahikau hai mopileimokau mewali kiraNa au malelaha. Idomi hai: hangangaa mombetulungikau, hangangaa maroa lalumi hadua hai hadua, mengkaiwoikau, nipamaalusu poantimi, hai sabarakau.

Ibarani 13:1

Mombepokaahi liliukau hadua hai hadua nodo topohalalu.

Yakobu 2:13

Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 5:11

Tauna au mantaha i lalu kapari, ihirami au rauli morasi. Niisami tuntukana Ayubi au mantaha i lalu kapari. Hai kahopoana, ia nawati Pue Ala. Lawi Pue Ala maroa laluna hai maahi ntepuu.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:17

Niadaihe ope-ope tauna. Nipokaahi halalumi hampepepoinalai, mengkorukau i Pue Ala, hai nibila datumi.

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

2 Peturu 1:7

hai mampokaahikau halalumi hampepepoinalai. Hai mampokaahi worikau ope-ope tauna.

1 Yohane 3:14

Ane mampokaahike halalunta, taisa katekabahanta hangko i kapate hai molambike katuwo maroa au bara mokahopoa. Agaiana tauna au barahe mampokaahi halalunda, bara manihe tekabaha hangko i kapate.