1 Peturu 3:21 - Sura Malelaha

²¹ KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

1 Peturu 3:21 ပူးပေါင်းရင်းမြစ်များ

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Yohane 13:9

Nauli Simo Peturu, “Ane nodo Pue, inee bitingku pea agaiana taiengku hai waangku wori.”

Suro 16:33

Mewali, i wengi iti kapala tarunggu mobahoi belanda Paulu hai Silas. Ia hai ope-ope tauna au i lalu souna rariumohe.

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 22:16

Mewali, apa mani au nupegia? Meangkamoko hai laomoko rariu. Mekakaemoko i Pue Yesu bona Naampungi dosamu.’ ”

Suro 8:36

Tanganda mokareta, moitamohe owai i wiwi rara. Nauli to Etiopia iti i Pilipu, “Peita, indolou ara owai. Peisana nuriu?”

Suro 8:37

[Nahanai Pilipu, “Ane tou-tou mpuu nupoinalaimi, peisamoko kuriu.” Nauli to Etiopia iti, “Kupoinalai mpuu Yesu Kerisitu iami Anana Pue Ala.”]

Roma 5:14

Agaiana nauri nodo, mepongka i Adama hawe i nabi Musa, kapate mangulelemi i ope-ope tauna. Kehapiri poliunginda hawana Pue Ala bara nodo au nababehi Adama, batena matehe nodo Adama. Adama iami pandirina Yesu, hadua tauna au ina hawe i boko.

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

1 Korintu 4:6

Halalu, apa au kupololita inona, mokanai Apolo hai watangku haduduangku. Ikami rodua kupopandiri bona kupaturokau moula parenta au manguli, “Ineekau moliungi apa au teuki.” Tunggaiaku bona datikau ara au mampemahile anti peulami i hadua tadulakomi. Ineekau motoia hadua tadulakomi hai mopapakoikau tohaduana.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Galatia 3:27

Lawi ikita ope-ope rariumoke mewali tauna au mohintuwu hai Kerisitu, ido hai manotomoke i peitana Pue Ala hai Naimbamoke himbela hai Kerisitu.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 11:19

Lawi i tempo iti nauli laluna Burahima, Pue Ala makuasa mopatuwo hule Isaki. Hai peisa tauli: Burahima molambi hule anana hangko i kapate.

Ibarani 13:18

Kiperapi bona nipekakaea liliungkai. Kiisa kabulana lalungki, lawi i paka-pakana kipeinao mobabehi liliu au manoto.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

Ibarani 9:24

Lawi paidaa malelaha au napesuangi Kerisitu, bara paidaa au rababehi tauna. Paidaa malelaha iti iami suruga. Hai Kerisitu mesua mpuu i suruga. Ide-ide, arami i lindona Pue Ala mamperuruike.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.