1 Peturu 3:2 - Sura Malelaha

² lawi ane moitahe babehiami au malelaha hai pengkorumi, itimi au moantihe mepoinalai i Pue.

1 Peturu 3:2 ပူးပေါင်းရင်းမြစ်များ

Epesu 5:33

Agaiana nauri nodo, batena ara wori lempona irikamu: ope-ope tobalilo hangangaa mampokakaia towawinena nodo pampokakaiana watana haduduana, hai towawine hangangaa mobila wori tobalilona.

Epesu 6:5

Halalungku au mewali hawi, nipeulai hawana ampumi i lalu dunia ide. Nibila hai nipengkoruihe hangko i kabulana lalumi. Nibabehi iti nodo pengkorumi i Kerisitu.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Pilipi 3:20

Agaiana halalu, ikita ampu surugake. Hai hangko indora mai, tapegia kahawena Amputa Yesu Kerisitu. Ia au mohoremake hangko i huku dosanta,

Kolose 3:22

Halalu au mewalikau hawi, nipeulai liliu ope-ope hawana ampumi au i dunia ide. Ineekau mampeulai hawanda i lindonda pea, anti kamampeinaomi ratoia. Agaiana hangangaa mengkorukau i hawanda hangko i kabulana lalumi, lawi mengkorukau i Pue.

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

1 Peturu 1:15

Hangangaa malelahakau i hinangka babehiami, nodo Pue Ala au malelaha tuwoNa au mopileimokau.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

1 Peturu 3:1

Nodo wori ikamu towawine, hangangaa mengkorukau i tobalilomi bona ane arahe tobalilomi au bara mepoinalai i Ngkorana Pue Ala, babehiami iti ina mobaliki lalunda duunda mepoinalai. Barahe paraluu niuliangaa ba apa-apa,

1 Peturu 3:3

Ane nipeinao mewali towawine au makara, inee kamakara au i raoa pea, nodo mobubungai weluami ba mopamakara watami hai parewa ba hampi au masuli holona.

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.