1 Peturu 2:25 - Sura Malelaha

²⁵ Hangkoia nodokau dimba au puha. Agaiana ide-ide mesulemokau i hadua Toporewu au mokadipura tuwomi hai pepoinalaimi.

1 Peturu 2:25 ပူးပေါင်းရင်းမြစ်များ

Matiu 18:12

Noumba pelambiami? Ane pandirina, ara hadua tauna au dimbana hangatu baana, hai matanta hambaa, apa au ina nababehi? Batena mopalehi dimbana au hahio pulona hai hahio i tongku-tongkuna, hai lao mohaoki hambaa au matanta iti.

Matiu 9:36

Moita tauna bosa iti, maahi laluNa lawi ngkaia kaparinda, hai barahe ara au motulungi, nodohe dimba au bara raporewu.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

Ibarani 3:1

Halalu-halalu au mewali taunana Pue Ala au Nakakio mesua i suruga, nipailalu kahemana Yesu. Ia tuduana Pue Ala hai Tadulako Mpenomba Mahile au tapoinalai.

Ibarani 5:2

Tadulako menomba mahile, manusia biasa, hai batena ngkaia wori kamaledena. Ido hai naisa mopamaalusu babehiana mokadipura tauna au bara mani manoto lalunda hai bara manihe moula rara au tou.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.