1 Peturu 2:24 - Sura Malelaha

²⁴ Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

1 Peturu 2:24 ပူးပေါင်းရင်းမြစ်များ

Matiu 27:26

Hangko inditi, nakabahaamohe Baraba, hai motuduhe surodadona mohepe-hepe Yesu hai pekandangi au modui. Roo indo, nahuhuamohe bona rapaku i kau mombehape.

Matiu 5:20

Mewali, Kuuliangaakau, ane niunde bona mewalikau taunana Pue Ala, hangangaa nipeulai peundeaNa, hai peulami hangangaa meliu hangko i peulanda guru agama hai toParisi.”

Matiu 8:17

Ope-ope au nababehi Yesu ide mopabukeimi lolitana nabi Yesaya hangkoia au manguli, “Iami au mohalea pantodihanta hai mopakaoha hakinta.”

Markus 15:15

Pilatu mampeinao mopabukei peundeanda tauna bosa, ido hai nakabahaamohe Baraba. Roo indo, natudumohe surodadona mohepe-hepe Yesu hai pekandangi au modui, hai nahuhuamohe bona rapaku i kau mombehape.

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

Yohane 19:1

Roo indo, Pilatu motuduhe surodadona bona Yesu raala hai rakakandangi.

Suro 10:35

Hema-hema au mengkoru i Pue Ala hai au manoto babehianda, batena nadoko Pue Ala.

Suro 10:39

Ikami ide tuduaNa au moita mata ope-ope au Nababehi i tamponda to Yahudi tepesua i wanua Yerusale. Kahopoana, Yesu iti rapaku i kau mombehape hawe mate.

Suro 13:29

Karoona ope-ope au teuki hangkoia rababehi, rataurami wataNa hangko i kau popakuaNa hai ratawu.

Suro 5:30

Yesu, au nipapatemi i kau mombehape, napatuwo hulemi Pue Ala au rapenombai toiorunta,

Roma 6:11

Nodo wori ikita, hangangaa tauli, “Matemona hihimbela hai Kerisitu Yesu; barapona mohintuwu hai dosa. Tuwomona moula peundeana Pue Ala i lalu pohintuwuku hai Kerisitu Yesu.”

Roma 6:13

Ineemi tahuhu watanta nakuasai dosa, au moantike mobabehi babehia au kadake. Agina tahuhu katuwonta i Pue Ala, lawi tekabahamoke hangko i katuwonta au hangkoia hai molambimoke katuwo au wou. Hangangaa tahuhu watanta i Pue Ala bona watanta ide tapake mobabehi babehia au manoto.

Roma 6:16

Niisato halalu, pandirina, ane mengkoruke i hadua tauna hai mampeulaike hawana, napohawimoke tauna iti. Nodo wori hai dosa, ane mampeulai liliuke peundeana lalunta au kadake, napohawimoke dosa. Kahopoana ina molambike kapate au mogaakike hangko i Pue Ala hawe i hae-haena. Agaiana ane mengkoruke i Pue Ala, mewalike taunana Pue Ala au mampeulai peundeaNa.

Roma 6:2

Inee tapehangu nodo halalu! Bara hintoto ane mobabehi liliuke dosa, lawi matemoke hihimbela hai Kerisitu bona dosa barapi makuasa irikita.

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

Roma 6:7

Lawi ikita, himbelake hai tauna au matemi, au tekabahami hangko i dosa.

Roma 7:6

Agaiana ide-ide, tekabahamoke hangko i Aturana Musa au motakake hangkoia lawi matemoke hihimbela hai Kerisitu. Mewali, barapoke moula rara au hae; moula atura-atura au teuki. Ide-ide moulamoke rara au wou; mengkoruke i Pue Ala anti kuasana Inao Malelaha.

1 Korintu 15:3

Ngkora Marasa au kupahaweakau halalu, iami au kudoko wori. Au patoana, Kerisitu mate mohuru dosanta nodo au teuki i lalu Sura Malelaha.

2 Korintu 6:17

“Mewali, hangangaa nikabaha peulami i babehianda tauna au baraNa raisa. Ineehe nipohintuwua! Nipakarao watami hangko i ope-ope babehia au kadake.”

Galatia 3:13

Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Kolose 2:14

Anti kapatena Yesu i kau mombehape, Pue Ala mogewomi ope-ope dosanta au teukimi, hai Nakabahamoke hangko i atura-atura au ina moantike i pehuku.

Kolose 2:20

Ikita au mepoinalai i Kerisitu himbela pea matemoke hai Kerisitu, lawi anti pohintuwuta hai Ia, tekabahamoke hangko i ada hai atura-atura iti. Barapoke mampeulai ada hai atura iti bona mewalike manoto i peitana Pue Ala. Mewali, ane matemoke hihimbela hai Kerisitu, ineemokau mengkoru i atura au ngkaia pakana iti, nodo tauna au bara mani moisa Kerisitu.

Kolose 3:3

Lawi ikita matemoke hihimbela hai Ia. Hai mohumbake katuwo au wou hangko i Kerisitu, au maida hihimbela hai Pue Ala i suruga. Kerisitu au moweike katuwo au wou. Ide-ide, bara mani taita, agaiana ane hawe hule deade, Ia ina motudungiake kuasaNa hai peawana tuwoNa. Hai ikita halalu, ina rapomahile worike hihimbela hai Ia.

Ibarani 10:10

Yesu Kerisitu mobabehi mpuumi peundeana Pue Ala: wataNa hambela pea Napopenomba i Pue Ala. Hai hangko i popenombaNa iti, Napamalelahamoke hawe i hae-haena.

Ibarani 10:5

Ido hai pane i kahawena Kerisitu i dunia ide, Ia mouliangaa Pue Ala node: “Bara Nuperapi popenomba, hai bara Nuunde popenomba au rahuwe ba binata au rasambale bona mohuru dosa tauna, agaiana wataNgkumi au Nupasilolonga bona mewali popenomba Irio au Nupokatana.

Ibarani 12:13

Hangangaa nipakaroho peulami i Pue bona ane ara mani i olomi au bata-bata lalunda, barahe ina manawo, agaiana kamaroho-rohoari pepoinalainda.

Ibarani 7:26

Mewali, Yesu itimi Tadulako Mpenomba Mahilenta au taparaluu, lawi Ia pea au peisa motulungike. Ia malelaha tuwoNa, bara ara salaNa ba kamakuraNa. Nauri mewali manusia, Ia bara madosa nodo manusia. Ia raangkami i hambua pohudaa au meliu kamapangkana hangko i ope-ope au i langi.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

1 Yohane 3:7

Anangku, inee mpuuhe nipogiangaa tauna mopakanawokau. Tauna au mobabehi peundeana Pue Ala, ihirami au manoto nodo Yesu.

Pampetudungia 22:2

hai moili i olo rara i tanga wanua iti. I pontimali wiwi owai iti, ara kau au rahanga Kau Ngkatuwo. Kau iti mowua hampulo hai rombela i lalu hampare, wula-wulana mowua. Tawena rapopakuli bona mopakaoha tauna i humalele dunia.