1 Peturu 2:23 - Sura Malelaha

²³ Nauri rakakabosai, bara mehurungi. Nauri rapopeahi-ahi, bara meewa. Ia mopaisare pea tuwoNa i Pue Ala, Topebotusi au manoto.

1 Peturu 2:23 ပူးပေါင်းရင်းမြစ်များ

Lukasi 23:41

Ane ikita, hintotoke rahuku mate anti babehianta au kadake, agaiana Ia, bara mpuu ara salaNa.”

Lukasi 23:46

Roo indo, naulimi Yesu masisimbuku, “Uma, i lalu taieMu Kupaisare inaoNgku!” KarooNa mololita nodo, opemi inaoNa.

Lukasi 23:9

Ido hai Herode mopahawe ngkaia pakana pampekune i Yesu, agaiana bara ara au Nahanai Yesu.

Suro 17:31

Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Suro 4:29

Pue, ide-ide Nuhadimi lolitanda tauna au mampopalangangkai! Ido hai kiperapi Irio bona ikami hawiMungkai ide, Nuweingkai roho lalu datingkai langa mopahawe NgkoraMu.

Suro 7:59

Tangana Setepanu rawatui, mekakaemi, nauli, “Pue Yesu, Nudokomi inaongku!”

Suro 9:1

I tempo iti, koi ntepuu inaona Saulu, hai napeinao peami mampopalanga hai mopapate tauna au mepoinalai i Pue Yesu. Ido hai laomi i Tadulako Mpenomba Mahile

Roma 2:5

Anti kamatuana lalumi, hai anti kadami mau mobaliki babehiami au kadake, ina mantimi hukumi i alo pebotusi. I alo pebotusi iti, Pue Ala ina mobotusi ope-ope i kanoto-notoana hai mohuku ope-ope tauna au kadake babehiana.

Epesu 6:9

Hai ikamu ampu hawi, hangangaa nipamaroa-roa wori babehiami i hawimi. Ineehe nipopopara. Hangangaa nikatuinao ikamu ampu hai hawi, hadua pea Ampumi, iami Pue i lalu suruga au bara mampopontani tauna.

2 Tesalonika 1:5

Mewali, anti kamarohona pepoinalaimi, tongawa kamanotona pebotusina Pue Ala. Moula pebotusiNa, ina mewalikau taunaNa i lalu poparentaNa lawi mantahakau i lalu kapari au morumpakau anti peulami i Pue Ala.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

2 Timotiu 4:8

Mewali ide-ide, tepasilolongami paraseengku i suruga anti penangingku, lawi kupeulaimi peundeana Pue. Paraseengku iti ina naweina Pue, Topebotusi au manoto i alo pebotusi. Hai bara iko pea au ina molambi parasee iti. Agaiana ina rawei worihe ope-ope tauna au hangko i lalunda mampegia kahaweNa hule Pue.

Ibarani 12:3

Nipeita halalu noumba kamaparina Yesu molindo tauna kadake au mosapuaka wataNa, hai kahopoana Ia rapapate. Mewali halalu, hangangaa nipekiri liliu noumba kamantahana Yesu i lalu kapari bona datikau malede hai masusa lalumi.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

1 Peturu 4:19

Ido hai, halalu, ane arakau au molambi kapari moula peundeana Pue Ala, nipaisare katuwomi i Pue Ala au mampopewali hinangkana, hai hangangaa nibabehi liliu babehia au maroa. Hai Pue Ala ina mopabukei ope-ope dandiNa irikamu.

Pampetudungia 19:11

Roo indo, kuita suruga tebungkahi, hai kuita hambaa dara au bula. Hai au mesawi i dara iti, rahanga: “Au Tetida hai Au Manoto.” Manoto pebotusiNa, hai ane mombeala, mombeala i kanoto-notoana.