1 Korintu 9:22 - Sura Malelaha

²² Ane arana hihimbela hai tauna au bara mani maroho pepoinalainda, kubabehi mpuu nodo ihira bona kutulungihe meula i Kerisitu. Mewali, i ope-ope tauna au kupombelambia, kuhaoki rara bona mewalina nodo ihira bona ane peisa, arahe au kuanti mepoinalai i Kerisitu.

1 Korintu 9:22 ပူးပေါင်းရင်းမြစ်များ

Roma 11:14

Hangko i pobagongku ide, kuharunga kaina aranda hangka to Yahudingku moita tauna au barahe to Yahudi mepoinalai i Pue Yesu duuna mahina lalunda hai mampeinao worihe mepoinalai Iria bona tehoremahe hangko i dosanda.

Roma 14:1

Ara halalunta hampepepoinalai au bara mani maroho pepoinalainda. Hangangaa nidoko maroahe tauna iti. Kehapiri mosisala pelambimi, inee iti au nipombehehei.

Roma 14:2

Pandirina: arahe tauna au maroho pepoinalainda au manguli peisake moande mampopengaa paande. Agaiana ara tauna ntanina au bara mani maroho pepoinalainda. Rauli tauna iti, bara naunde Pue ane moandeke bau, batena pea halo-halo au peisa taande.

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

Roma 15:2

Ikita ope-ope hangangaa mobabehi au mopamatana laluna ranganta hai au motulungi ranganta bona tapakaroho pepoinalainda.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

1 Korintu 7:16

Lawi ane barakau mepogaaki, ikamu towawine, ara mani katepakami moanti tobalilomi mepoinalai i Pue. Hai nodo wori ikamu tobalilo, ara mani katepakami moanti towawinemi mepoinalai i Pue.

1 Korintu 8:13

Ido hai kuuliangaakau, ane rapana kupakanawo halalungku hampepepoinalai i kakuandena bau ba paande ntanina, barapi ina kuande paande iti bona datihe ara halalungku au rapakanawo anti babehiangku.

1 Korintu 9:19

Barana hawina tauna, ido hai peisana moula peundeaku. Agaiana nauri nodo, kuoaka tuwo nodona hawinda ope-ope tauna. Kubabehi iti bona tetambai tauna au kuanti mepoinalai i Kerisitu.

1 Korintu 9:23

Ope-ope iti kubabehi bona tetambai tauna au mepoinalai i Ngkora Marasa hai bona molambi worina katuwo maroa hihimbela hai ihira.

2 Korintu 11:29

Ane arahe halalungku hampepepoinalai au masusa lalunda anti kamaledena pepoinalainda, masusa wori lalungku. Ane arahe au manawo i lalu dosa, rumpuna i tauna au mopakanawohe.

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.