1 Korintu 7:33 - Sura Malelaha

³³ Agaiana tobalilo au motambimi, hangangaa mampekiri worihe katuwonda i lalu dunia ide, lawi mampeinaohe mopamatana lalunda towawinenda,

1 Korintu 7:33 ပူးပေါင်းရင်းမြစ်များ

Lukasi 12:22

Nauli Yesu i topeguruNa, “Ido hai Kuuliangaakau inee karao inaomi ba niuli, ‘Apami wei au taande?’ Inee karao inaomi ba niuli, ‘Apami au tapohampi?’

Lukasi 14:20

Ara mbuli hadua au manguli, ‘Hangko rataunana! Mewali, barana peisa lao.’

Yohane 10:13

Tauna au rasaro iti melangka, lawi ia mobago bona molambi pea sarona. Bara mampekiri dimba iti.

1 Korintu 7:3

Bara maroa ane tobalilo mokaraohi towawinena ba towawine mokaraohi tobalilona alana barapohe moluhi. Tobalilo hangangaa mopabukei ada potambi i towawinena, nodo wori towawine i tobalilona.

1 Korintu 7:32

Halalu, peundeaku ineekau mampepekiri liliu katuwomi. Tobalilo au barahe motambi, peisahe mampopolumao liliu bagona Pue, hai peisahe mampekiri liliu apa peundeana Pue irihira.

1 Korintu 7:34

ido hai morompenga lalunda. Nodo wori, towawine au bara motambi, peisahe mampopolumao liliu bagona Pue, hai peisahe mampekiri liliu apa peundeana Pue irihira bona malelaha katuwonda i lindona Pue. Agaiana towawine au motambimi, hangangaa mampekiri worihe katuwonda i dunia ide, lawi mampeinaohe mopamatana lalunda tobalilonda.

Kolose 3:19

Hai ikamu wori tobalilo, hangangaa mampokaahikau towawinemi. Ineekau makasara irihira.

1 Timotiu 5:8

Lawi ane ara hadua tauna au manguli maroho pepoinalaina i Pue Ala, agaiana bara mokadipura halaluna hai tinana, babehiana iti mosapuaka pepoinalaina. Melumbu kakadakena hangko i tauna au bara mepoinalai i Pue Ala.

1 Peturu 3:7

Nodo wori ikamu tobalilo, hangangaa mohintuwukau hai towawinemi, hai hangangaa nipekiri noumba rarami motulungihe, lawi rohonda bara nodo rohomi. Agaiana nauri nodo, towawinemi batena himbela hai ikamu i peitana Pue Ala, lawi hangko i kabulaNa laluNa Pue Ala mowei worihe katuwo au bara mokahopoa himbela hai ikamu. Idomi hai hintoto mpuuhe nibila. Lawi ane barahe nibila, pekakaemi bara ina napehadingi Pue Ala.