1 Korintu 7:32 - Sura Malelaha

³² Halalu, peundeaku ineekau mampepekiri liliu katuwomi. Tobalilo au barahe motambi, peisahe mampopolumao liliu bagona Pue, hai peisahe mampekiri liliu apa peundeana Pue irihira.

1 Korintu 7:32 ပူးပေါင်းရင်းမြစ်များ

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

Markus 4:19

agaiana mampekiri liliu peahe katuwonda i lalu dunia ide. Tauna iti mampeinao peahe morampu anu-anu dunia hai mampopengaa peundeana lalunda. Ido hai Ngkora iti bara mobundu i lalu katuwonda.

Yohane 10:13

Tauna au rasaro iti melangka, lawi ia mobago bona molambi pea sarona. Bara mampekiri dimba iti.

1 Korintu 7:33

Agaiana tobalilo au motambimi, hangangaa mampekiri worihe katuwonda i lalu dunia ide, lawi mampeinaohe mopamatana lalunda towawinenda,

Pilipi 4:6

Inee karao inaomi kana i apa pea. I paka-pakana mekakae liliukau, merapikau i Pue Ala, hai niuli ngkaia kamaroana Iria.

1 Timotiu 5:5

Tobemba au tou-tou mpuu meahi-ahi tuwona, iami tobemba au tuwo sadudua pearai, bara ara au mokadipura. Batena pearai meharunga hai mekakae liliu i Pue Ala.