1 Korintu 6:19 - Sura Malelaha

¹⁹ Bara pae niisa halalu, watami iami paidaa Inao Malelaha. Inao Malelaha au maida i lalumi, nihumba hangko i Pue Ala. Mewali watami barapi ikamu ampuna.

1 Korintu 6:19 ပူးပေါင်းရင်းမြစ်များ

Yohane 2:21

Katouana i tempona Yesu mokabelai Souna Pue Ala, wataNa haduduaNa au natunggai.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 6:3

Bara pae niisa, i alo pebotusi ikita to Sarani au ina mampohuda-hudaa kara-karanda malaeka. Mewali, hangangaa nibuku mpuu mobotusi kara-karanda tauna i dunia ide.

2 Korintu 5:15

Lawi tunggaiana Kerisitu mate mohuru dosa ope-ope tauna bona ikita au tuwo manike i dunia ide barapoke moula peundeata haduduanta, agaiana moulamoke peundeana Kerisitu, au matemi mohuru dosanta hai au rapatuwo hulemi.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Yakobu 4:5

Inee nipehangu bara ara tunggaiana au teuki i lalu Sura Malelaha node: i watanta ide, Pue Ala moweike inaonta, hai Pue Ala mohiri ane barake tetida Iria.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.