1 Korintu 5:7 - Sura Malelaha

⁷ Ane to Yahudi mobabehi ada Posusa Pasa, ope-ope ragi hangangaa raingihi i olonda hangko i sounda, hai hambaa ana dimba hangangaa rasambale mewali popenomba popohompo dosanda. Nodo ragi raingihi hangko i sounda, ikamu wori hangangaa moingihi tauna au madosa iti hangko i olomi bona malelaha tuwomi, lawi ikamu napamalelahamokau Pue Ala. Hai nodo hambaa dimba rasambale i Posusa Pasa, Kerisitu rapapate worimi bona mohompo dosanta.

1 Korintu 5:7 ပူးပေါင်းရင်းမြစ်များ

Matiu 13:33

Ara wori hampaka ngkora pandiri au Napahawe i tauna bosa, Nauli, “Poparentana Pue Ala nodo ragi au naala hadua towawine, hai nagalo tapu. Nauri ragi iti haodi pea peisa mampopembongke tapu au ngkaia.”

Markus 14:12

I alo pepongkaa Posusa Roti Au Bara Raragii i tempona dimba Pasa rasambale, topeguruna Yesu mekune Iria, rauli, “Pue, iumba peundeaMu lao kipasilolonga paande Pasa au ina taande?”

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

Yohane 1:36

Poitana Yesu moliu, liliu nauli, “Peita, ehoumi Ana Dimbana Pue Ala!”

Yohane 19:14

I tempo iti, ina pualomi, hangalo hangko damani Alo Posusa Pasa. Pilatu mouliangaahe tadulakonda to Yahudi, “Peita datumi!”

Roma 3:25

Moula popakanotona Pue Ala, Yesu rapapate hai waheNa tebumbuha. Iti nababehi Pue Ala bona Yesu rahuku mohalea dosa manusia bona teampungi dosanta ane mepoinalaike Iria. Hangko damani Yesu mate, Pue Ala bara mohuku manusia au madosa anti kasabaraNa.

1 Korintu 10:17

Lawi haogu pea roti au rakira-kiraake, hai taande. Lempona, ikita au bosa ide mewalimoke hawata-wata hai Kerisitu.

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Pampetudungia 5:12

Monanimohe malaeka iti masisimbuku, rauli, “Ana Dimba au rasambale, hintoto mpuu tabila hai tatoia, tapomahile hangaNa, tabambari kamarohoNa, tapolinga peawaNa, takatuinao kamapandeNa, hai tapatolele kamakuasaNa!”