1 Korintu 5:3 - Sura Malelaha

^3-4 Nauri karaona hangko irikamu, agaiana lalungku arato hihimbela hai ikamu, mewali ara kuasangku mampohawaakau. Hai kuasa au naweina Pue Yesu Kerisitu, kupakanotomi: tauna au kadake babehiana iti hangangaa rahuku. Ane mogulu-gulukau, niimbana ara hihimbela hai ikamu, hai kuperapi i lalu kuasana Yesu Amputa

1 Korintu 5:3 ပူးပေါင်းရင်းမြစ်များ

1 Korintu 5:12

Ane tauna au barahe to Sarani, bara ara kuasangku mohukuhe. Pue Ala pea au mohukuhe. Agaiana ikamu hangangaa mohukukau halalumi hampepepoinalai au mobabehi liliuhe sala. Lawi ara au teuki i lalu Sura Malelaha node, “Popeloho tauna au kadake babehiana hangko i olomi!” Lempona, ineehe nipogaloa tauna nodo.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 10:11

Mewali, hangangaa niuliangaahe tauna iti: kuasangki au ara i lalu surangki ina kipetudungiahe i kahawengki irikamu ane ara manihe au mosapuakangkai!

2 Korintu 13:2

Tangangku hihimbela hai ikamu i karombelana, kuweihe lolita i tauna i olomi au mobabehi dosa. Mewali, ide-ide, kehapirina karao hangko irikamu, kuhuleki mbuli lolitangku irikamu tauna au madosa hai i ope-ope tauna ntanina. Ane hawena deade hai ane bara manihe mampenosoi babehianda, ina makasara lolitangku; barahe ara hadua au ina tekabaha hangko i pehuku.

Kolose 2:5

Lawi nauri karaona hangko irikamu, agaiana aratokau i lalungku. Matana mpuuna mohadi kamarohona pohintuwumi hai pepoinalaimi i Kerisitu.

1 Tesalonika 2:17

Halalu, hangko i pogaanta au sangka ide, mabila mpuungkai irikamu. Kehapirike mogaa-gaa, agaiana ara liliukau i lalungki. Anti kamabilangki, kihaoki mpuu rara bona laongkai mesonda irikamu.