1 Korintu 4:8 - Sura Malelaha

⁸ Ba nipehangu barapi ara kamakurami? Ba nipehangu handami kamarohona pepoinalaimi i Pue? Ba niuli moparentamokau nodo datu, hai ikami surona Pue Yesu barapongkai niparaluu? Kemaroa mpuu halalu ane mewalikau datu bona moparenta woringkai hihimbela hai ikamu.

1 Korintu 4:8 ပူးပေါင်းရင်းမြစ်များ

Matiu 5:1

Kanaitanda Yesu tauna bosa, mempanaimi lao i tongku-tongkuna hai mohuda. Pohudana peami Yesu, laomohe topeguruna hungku Iria.

Lukasi 6:25

Marugikau au mabuhu ide-ide, lawi ina marimikau. Marugikau au matana ide-ide, lawi ina masusa lalumi hai ina moteriakau.

Suro 26:29

Nahanai Paulu, “I tempo au hampalai ba i tempo au mahae, mekakaena i Pue Ala bona Datu hai ope-ope tauna au mampehadingi lolitangku alo ide ina mewali nodo iko, agaiana inee peakau hawe ratarunggu.”

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

1 Korintu 1:5

Anti pohintuwumi hai Kerisitu, Naweimokau hinangkana pewati au mobundu i katuwomi: Napopaisaamokau paturo au tou, hai Naweimokau kapande mopahawe paturo iti.

1 Korintu 4:18

Arakau au mampemahile, lawi nipehangu barakau ina lao kupohidupaa.

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

2 Korintu 11:1

Mewali halalu, kuperapi bona nipehadingi lolitangku, nauri mololitana nodo tontuli.

2 Korintu 13:9

Matanangkai ane niitangkai malede, asala ikamu maroho pepoinalaimi. Mekakaengkai bona manoto lalumi i peitana Pue.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.

Pampetudungia 3:17

Niuli pebukukau, handa katuwomi, hai barapi ara kamakurami. Agaiana, bara niisa kanoumbami! Rumihi ntepuu kameahi-ahimi! I lalu pepoinalaimi, meahi-ahikau, bilokau, hai barakau mehampi

Pampetudungia 5:10

Nupopewalihe datu hai tadulako mpenomba au mampopolumao bago mpenomba i Amputa Pue Ala. Ina moparentahe nodo datu i wongko dunia.”