1 Korintu 3:9 - Sura Malelaha

⁹ Ikami hampopobago peangkai i lalu bagona Pue Ala, hai ikamu, halalu, peisakau rapandiri nodo bondena Pue Ala. Ikamu peisa worikau rapandiri nodo souna Pue Ala.

1 Korintu 3:9 ပူးပေါင်းရင်းမြစ်များ

Matiu 15:13

Nahanai Yesu, “Pogiangaamohe toParisi iti padu! Ihira nodohe tuda-tuda au bara natuda UmaNgku au ara i suruga, hai batenda rawuka. Toparisi iti nodohe tadulako au bilo, lawi barahe moisa rara au manoto lao i Pue Ala. Hai ane hadua tobilo monini hangka tobilona, batena ina manawohe rorodua i kalolu.”

Matiu 16:18

Mewali, ido hai rahangako Peturu, lempona ‘watu’. Hai i wongko watu ide, Kuaro souNgku lempona, Kugulu ope-ope tauna au mampoinalaiNa. Ope-ope kuasa tokadake bara peisa monangihe.

Matiu 9:37

Nauli Yesu i topeguruNa, “Tauna bosa nodohe pare au mangka. Ngkaia pare au mangkami, agaiana topepare barahe bosa.

Markus 16:20

Hangko inditi, laomohe topeguruNa mopahawe Ngkora Marasa iumba-umba pea. Naporangaihe Pue i lalu bagonda, hai Napakaroho pobambarinda Ngkora Marasa hai tanda kuasa au metingkarai bona tongawa katouna Bambari au raanti.]

Suro 4:11

Iami au natunggai lolitana Sura Malelaha au manguli node: ‘Watu au nitende ikamu topoaro sou, watu iti au mewali pohudaa sou.’ ”

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

1 Korintu 3:6

Iko au mantuda, Apolo au mobumbuhi, agaiana Pue Ala au mopatuwo.

1 Korintu 6:19

Bara pae niisa halalu, watami iami paidaa Inao Malelaha. Inao Malelaha au maida i lalumi, nihumba hangko i Pue Ala. Mewali watami barapi ikamu ampuna.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Kolose 2:7

Mewali, hangangaa nipakaroho hai nipatetida lalumi Iria. Nipakaroho pepoinalaimi, nodo au rapaturoamokau. Hai niuli liliu ngkaia kamaroana i Pue Ala.

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

3 Yohane 1:8

Mewali, hintoto mpuuhe tatulungi, lawi ane tababehi nodo, lempona mobago sambelake i lalu pobagonda moanti bambari au tou.