1 Korintu 3:5 - Sura Malelaha

⁵ Iko hai Apolo, hawina peangkai Pue Ala au moninikau bona mepoinalaikau i Pue Yesu. Ikami hadua-hadua mampopolumao bago au naweingkai Pue.

1 Korintu 3:5 ပူးပေါင်းရင်းမြစ်များ

Matiu 25:15

Naweihe hadua-hadua moula i pesauruanda. Hadua nawei lima sabuna doi bulawa, au hadua rosabu, hai au hadua hasabu. Roo indo, padumi.

Lukasi 1:2

Au rauki i lalu suranda iami au rapahaweamoke tauna au moita mata apa au mewali hangko i nguru-nguruna, hai tauna iti mewalihe topobambari Ngkora Marasa.

Yohane 3:27

Nauli Yohane, “Ikita manusia bara peisa mobabehi apa-apa ane barake nawei Pue Ala kuasa.

Suro 18:24

I tempo iti, ara hadua to Yahudi au hawe i wanua Epesu, hangana Apolo. Apolo iti mesupa i wanua Aleksandria. Ia mapande mololita, hai matumpali kana i ihi Sura Malelaha.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Roma 15:16

Naangkana mewali topobagona Kerisitu Yesu, hai Naposurona i tauna au barahe to Yahudi. Bagongku ide peisa rapandiri nodo pobagona tadulako mpenomba, lawi mopahawena Ngkora Marasa. Hai ihira au barahe to Yahudi au mepoinalai i Pue Yesu, kuimbahe nodo popenombaku i Pue Ala. Hai popenombaku iti, batena nadoko Pue Ala, lawi Inao Malelaha mopamalelahahe hai mampopewalihe kirana Pue Ala.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 16:12

Kaliliuana, ane halalunta Apolo, bosami belana kuuliangaa, “Arahe halalunta au ina melingka lao i Korintu. Agina lao woriko hihimbela hai ihira.” Agaiana ide-ide bara mani naunde lao. Ararai katepakana, hangko laorikau nasondaki.

1 Korintu 3:10

Anti kabulana laluna Pue Ala, ikomi au nguru-nguruna mobambari Ngkora Marasa irikamu. Iko nodona hadua topoaro sou au mapande. Moaromona watu pohudaa sou, hai tauna ntanina moaro sou i wongko watu iti. Hai ope-ope topobago hangangaa mobagohe maroa-roa.

1 Korintu 3:22

nodo wori iko Paulu, Apolo hai Peturu. Natudumongkai Pue Ala mai irikamu bona kitulungikau hai Naweimokau katuwo au wou hai Nakabahamokau hangko i kapate. Hinangkana au ara i dunia, hai apa au mewali ide-ide, ba apa au mewali i alo-alo au ina mai, ope-ope iti nakadipura Pue Ala bona molambikau katuwo maroa. Ope-ope iti mewalimi kirami halalu.

1 Korintu 3:7

Bara topantuda hai topobumbuhi au mewali patoana bago iti, agaiana Pue Alari, lawi Ia au mopatuwo.

1 Korintu 9:17

Ane rapana moantina Ngkora Marasa anti peundeaku haduduangku, hangangaa raweina sarongku. Agaiana bara nodo, lawi natudu peana Pue Ala mampopolumao bago ide. Kuunde ba bara, hangangaa mopahawena Ngkora Marasa, lawi itimi bago au naweina Pue Ala.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 3:3

Nipetudungia i ope-ope tauna wua pobagongki moanti bambari kana i Kerisitu irikamu. Ikamu nodo hambua sura au nauki Kerisitu. Sura iti bara Nauki hai tinta ba i watu poukia. Lawi Kerisitu mouki lolitaNa i lalumi anti kuasana Inaona Pue Ala, au tuwo.

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

2 Korintu 4:1

Mewali, Pue Ala moangkangkai mewali topobagoNa, hai kibuku mampopolumao bago ide anti kamaroana laluNa irikami. Ido hai bara ope peharungangki i Pue Ala.

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

2 Korintu 4:7

Ikami manusia biasa peangkai, agaiana mahile mpuu kuasana Pue Ala au mobago i lalungki. Ikami rapandiringkai nodo kori tampo au buke anu-anu au masuli holona. Hangko i ngkora pandiri ide, tongawami kuasa au ara irikami bara kuasangki haduduangki, agaiana kuasa iti kihumba hangko i Pue Ala.

2 Korintu 5:18

Hinangka iti napopolumao Pue Ala, melempo i Kerisitu, bona Napopohintuwu huleke hai wataNa haduduaNa, hai Ia moweingkai bago mopahawe bambari iti i tauna ntanina bona peisa worihe mohintuwu hai Pue Ala.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

2 Korintu 6:4

I paka-pakana, kibabehi liliu apa au maroa bona tongawa kaikamina topobagona Pue Ala au manoto. Mantahangkai i lalu mampopengaa kasusa hai kapari.

Epesu 3:7

Mewali, mobambarina Ngkora Marasa iti lawi naangkana Pue Ala mewali topobagoNa anti kabulana laluNa. Napakarohona hai kuasaNa bona kubuku mampopolumao bago iti.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Kolose 1:25

Naangkana Pue Ala mewali hawiNa au motulungi ope-ope tauna au mepoinalai bona mopahawena ope-ope NgkoraNa irikamu.

1 Timotiu 1:12

Kuuli ngkaia kamaroana i Amputa Kerisitu Yesu, lawi Naweina karoho, Napoinalaiana mampopolumao bagoNa, hai Naangkana mewali topobagoNa.

1 Peturu 4:10

Ikita ope-ope molambimoke kapande au montani-ntani moula apa au naweike Pue Ala. Mewali hangangaa tapake kapande iti bona motulungike ranganta hai tapopolumao maroa bago au naweimoke Pue Ala hangko i kabulana laluNa.