1 Korintu 3:22 - Sura Malelaha

²² nodo wori iko Paulu, Apolo hai Peturu. Natudumongkai Pue Ala mai irikamu bona kitulungikau hai Naweimokau katuwo au wou hai Nakabahamokau hangko i kapate. Hinangkana au ara i dunia, hai apa au mewali ide-ide, ba apa au mewali i alo-alo au ina mai, ope-ope iti nakadipura Pue Ala bona molambikau katuwo maroa. Ope-ope iti mewalimi kirami halalu.

1 Korintu 3:22 ပူးပေါင်းရင်းမြစ်များ

Yohane 1:42

Roo indo, naantimi lao i Yesu. Yesu mototoki Simo, Nauliangaa, “Oio Simo, anana Yohane. Mepongka ide-ide, ina rahangako Kefas.” (I lalu basanda to Yunani, “Peturu” lempona: ‘watu mahile’.)

1 Korintu 1:12

Mololitana nodo lawi arakau au mampeinao mampopontani hadua hai hadua. Arakau au manguli, “Iko meula i Paulu.” Arakau au manguli, “Iko meula i Apolo.” Au ntanina wori manguli, “Iko meula i Peturu.” Ara mbuli au manguli: “Iko meula i Kerisitu.”

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

Pilipi 1:21

Lawi tunggaiana tuwongku bona mampomahilena Kerisitu. Hai ane matena, kuporasi mpuu.