1 Korintu 3:21 - Sura Malelaha

²¹ Mewali, kuperapi bona ineekau mampomahile kapande manusia. Lawi hinangkana au niparaluu, naweimokau Pue Ala,

1 Korintu 3:21 ပူးပေါင်းရင်းမြစ်များ

Roma 4:13

Hangkoia Pue Ala modandi i Burahima hai i pemuleana kaina mokuasainda dunia. Tunggaiana Pue Ala bona Burahima hai pemuleana mewali manoto anti pepoinalainda alana molambihe apa au Nadandi iti. Barahe molambi apa au nadandi Pue Ala anti pampeulainda Aturana Musa.

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

1 Korintu 4:6

Halalu, apa au kupololita inona, mokanai Apolo hai watangku haduduangku. Ikami rodua kupopandiri bona kupaturokau moula parenta au manguli, “Ineekau moliungi apa au teuki.” Tunggaiaku bona datikau ara au mampemahile anti peulami i hadua tadulakomi. Ineekau motoia hadua tadulakomi hai mopapakoikau tohaduana.

2 Korintu 4:15

Ope-ope ide mobundu irikamu bona tauna au mohadi Ngkora Marasa, alana kabosa-bosaa tauna au manguli ngkaia kamaroana i Pue Ala. Hangko inditi hangana Pue Ala rapomahile.

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

Pampetudungia 21:7

Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.