1 Korintu 3:15 - Sura Malelaha

¹⁵ Agaiana ane pobagona bara mantaha i poparesana Pue, ia ina molambi rugi. Lempona, ia ina tekabaha hangko i huku dosana, agaiana bara molambi sarona. Ia peisa rapandiri nodo tauna au naande api souna: matanta ope-ope anu-anuna, watana pearai au mentara.

1 Korintu 3:15 ပူးပေါင်းရင်းမြစ်များ

Suro 27:21

Anti kadanapi naita inaonda maande, meangkami Paulu i olonda, nauliangaahe, “Halalu-halalu, ane kenipoinalai lolitangku bona ineeke padu hangko i Kreta, kebarake marugi node.

Suro 27:44

Roo indo, motudu worihe tauna au bara raisa monangu bona moalahe pata ba kapengka kapala rapotinanto lao i lorena. Ido hai hawe hahangkai i lorena.

1 Peturu 4:18

I lalu Sura Malelaha teuki node: “Mogalori tauna au manoto babehianda, hangangaa motodihahe kapari, hangko molambirihe katuwo maroa. Apa mani tauna au kadake hai au bara mengkoru i Pue Ala!”

2 Yohane 1:8

Ido hai hangangaa mainga-ingakau, lawi ane nikabaha pepoinalaimi i Pue Yesu, bara ara bunduna pobagongki mobambari Ngkora Marasa irikamu. Hangangaa mepoinalai liliukau i Pue bona i alo pebotusi ina nihumba hinangka hurungina pepoinalaimi.

Yudasi 1:23

Ane arahe au mehupe hangko i pepoinalainda, nininihe mesule bona tehoremahe hangko i api pehuku hai molambihe katuwo maroa. Ara worihe tauna au madosa au mampeulai peahe peundeana lalunda au kadake. Nitudungia worihe ahimi, agaiana nikahihi babehianda au kadake hai mainga-ingakau bona datikau tedii i lalu babehianda.

Pampetudungia 3:18

Ido hai Kuweikau lolita ide: niholomi Iriko bulawa au rapamalelahami i api. Niholo wori Iriko hampi au bula bona mebadukau hai tetabungi eami. Hai niholo wori Iriko pakuli nipoporirohi matami bona meitakau. Ane nodo, ina pebukukau i pepoinalaimi.