1 Korintu 3:1 - Sura Malelaha

¹ Halalu, i tempoku mani hihimbela hai ikamu hangkoia, barakau peisa kupaturo nodo tauna au molambihe Inao Malelaha. Kupaturo peakau nodo tauna au moula manihe peundeana lalunda au kadake. Lawi i tempo iti, bara mani manoto pepoinalaimi i Kerisitu; i pepoinalaimi nodo manikau analei.

1 Korintu 3:1 ပူးပေါင်းရင်းမြစ်များ

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”

Roma 7:14

Taisa mpuu, halalu, Aturana Pue Ala batena maroa lawi hangko i Inao Malelaha. Agaiana ide iko, tomadosana, lawi napohawina dosa.

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

1 Korintu 14:37

Ane arahe tauna au manguli, “Molambina kapande mopahawe lolita hangko i Pue Ala,” ba “Molambina kapande hangko i Inao Malelaha,” tauna iti hangangaa mopangaku apa au kuuki ide iami parenta hangko i Pue.

1 Korintu 2:6

Nauri nodo, ane mololitangkai i tauna au marohomi pepoinalainda i Kerisitu, mampololita mpuungkai kapande. Agaiana au kipahawe iti, bara nodo kapande au hangko i dunia ide ba kapandenda tadulako au kamakuasanda ina tuna.

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

Ibarani 5:13

Mewali hema au mentomi mani, analei mani. Lempona, bara mani manoto lalunda mampopontani apa au tou hai apa au sala.

1 Yohane 2:12

Anangku, kuukiakau sura ide, lawi teampungimi dosami i lalu Kerisitu.