1 Korintu 2:15 - Sura Malelaha

¹⁵ Ikita au molambi Inao Malelaha, manoto lalunta moparesa hinangkana: maroa ba bara. Agaiana tauna au bara moisa Pue Ala, barahe peisa moparesa lalunta.

1 Korintu 2:15 ပူးပေါင်းရင်းမြစ်များ

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Suro 16:3

Peundeana Paulu bona Timotiu meula iria mobambari Ngkora Marasa. Ido hai Timotiu napopetile moula Aturana Musa. Tunggaiana bona radoko pea to Yahudi, lawi ope-ope to Yahudi i tampo iti moisa katoYunanina umana.

1 Korintu 14:37

Ane arahe tauna au manguli, “Molambina kapande mopahawe lolita hangko i Pue Ala,” ba “Molambina kapande hangko i Inao Malelaha,” tauna iti hangangaa mopangaku apa au kuuki ide iami parenta hangko i Pue.

1 Korintu 3:1

Halalu, i tempoku mani hihimbela hai ikamu hangkoia, barakau peisa kupaturo nodo tauna au molambihe Inao Malelaha. Kupaturo peakau nodo tauna au moula manihe peundeana lalunda au kadake. Lawi i tempo iti, bara mani manoto pepoinalaimi i Kerisitu; i pepoinalaimi nodo manikau analei.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

1 Tesalonika 5:21

Niparesa maroa-roa hinangka lolita iti, hai nikingkimi apa au maroa.

Ibarani 5:14

Agaiana paande au matua, kiranda tauna au mangisaami; lempona, tauna au manginaomi mampopontani au maroa hai au kadake.

1 Yohane 2:20

Agaiana ikamu halalu, nidokomi Inao Malelaha au hangko i Kerisitu. Ido hai pane moisamokau ope-ope paturo au tou.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.