1 Korintu 16:18 - Sura Malelaha

¹⁸ Halalunta iti mopamatanahe lalungku, nodo karapamatanana lalumi. Ido hai kuperapi bona nibilahe tauna au nodo ihira.

1 Korintu 16:18 ပူးပေါင်းရင်းမြစ်များ

Roma 15:32

Kahopoana, ane napokana Pue Ala, ina hawena i boeami i lalu katana lalu, hai ina tepalindona i olomi.

2 Korintu 7:13

Mewali, tepalindomi lalungki! Hai meliu hangko inditi, matana woringkai moita kamatanana Titu. Tepalindo laluna moita babehiami au maroa tangana maida i olomi.

Kolose 4:8

Ia kutudu lao mosondakikau bona niisa noumba katuwongki hai bona maroho lalumi.

1 Tesalonika 5:12

Halalu, kiperapi bona nibilahe tauna au mobago mantimi i lalu bagona Pue i olomi, lawi ihira napileimohe Pue bona monini hai mopaturokau.

Pilemo 1:20

Halalu, anti pohintuwuta hai Pue, kuperapi bona nupeulai wongkoia pamperapiku ide. Anti pohalalunta i lalu Kerisitu, nudoko hulemi Onesimus bona matana lalungku.

Pilemo 1:7

Halalungku, Matana mpuuna hai tepalindo lalungku anti kamahilena ahimu iti, lawi oio au mopakaroho lalunda ope-ope tauna au mepoinalai i Pue Yesu.

Ibarani 13:7

Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.

3 Yohane 1:4

Rumihi mpuu kamatanangku mohadi bambari au manguli anangku moula liliu paturo au tou.