1 Korintu 15:53 - Sura Malelaha

^53-54 Lawi watanta ide ina mate hai ina magoro. Ido hai watanta hangangaa rabaliki mewali wata au barapi ina mate. Hai ane tebaliki watanta, ina tepabukei apa au teuki i lalu Sura Malelaha au manguli node: “Kapate barapi ara, Pue Ala monangimi kapate.”

1 Korintu 15:53 ပူးပေါင်းရင်းမြစ်များ

Roma 1:23

Barahe mau menomba i Pue Ala au tuwona monono. Menombarihe i watu au rababehi himbela hai lengge pinatuwo au peisahe mate; nodo tadasi, binata au mobiti iba hai binata au mendele ba nodo manusia.

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

Galatia 3:27

Lawi ikita ope-ope rariumoke mewali tauna au mohintuwu hai Kerisitu, ido hai manotomoke i peitana Pue Ala hai Naimbamoke himbela hai Kerisitu.

Epesu 4:24

Hai hangko inditi, hangangaa niula babehia wou au hintoto, lawi napopewalimokau Pue Ala manusia au wou, tunggaiana bona manoto hai malelahakau moula poantiNa haduduaNa.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.