1 Korintu 15:50 - Sura Malelaha

⁵⁰ Halalu, tunggaiaku node, watanta i dunia ide rapopewali hangko i onto hai wahe. Hai watanta ide ina mate. Ane watanta bara tebaliki, barake peisa maida i lalu poparentana Pue Ala i suruga, lawi indora bara ara kapate.

1 Korintu 15:50 ပူးပေါင်းရင်းမြစ်များ

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

1 Korintu 1:12

Mololitana nodo lawi arakau au mampeinao mampopontani hadua hai hadua. Arakau au manguli, “Iko meula i Paulu.” Arakau au manguli, “Iko meula i Apolo.” Au ntanina wori manguli, “Iko meula i Peturu.” Ara mbuli au manguli: “Iko meula i Kerisitu.”

1 Korintu 15:42

Nodo wori karapatuwo hulenda tomate. Watanta au ratawu iami wata au malede hai peisa magoro, agaiana ina rapopearo huleke hai wata au barapi peisa magoro.

1 Korintu 15:44

Watanta au ratawu iami wata au hintoto pea tuwo i dunia, agaiana wata au rapatuwo hule iami wata au hintoto tuwo i suruga anti kuasana Inao Malelaha.

1 Korintu 6:10

au manangka, au mehioro, au malangu-langu, au mepakadake, hai au modongko. Tauna au nodo, barahe mewali taunana Pue Ala i lalu poparentaNa.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 6:9

Bara pae niisa halalu, tauna au kadake babehianda, barahe ina mewali taunana Pue Ala i lalu poparentaNa. Ineekau ranawo-nawo. Tauna au mobabehi babehia au merikai, au menomba i anitu, au mebualosi, au mobabehi sala nodo tobalilo au mamposamboko hangka tobalilona,

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.

2 Korintu 5:1

Lawi taisa, ane bambaruta i dunia ide ragero, Pue Ala ina mopasilolonga haogu sou i suruga au tapaidai, hambua paidaa au bara mokahopoa, au bara nababehi tauna.

2 Korintu 9:6

Nipailalu lolitangku ide: apa au tatuda, iti wori au tapupu. Tauna au motuda haodi, haodi pea au napupu. Tauna au motuda ngkaia, ngkaia wori au napupu.

Galatia 3:17

Mewali halalu, idemi lempona ngkora pandiriku inona: nguru-nguruna Pue Ala mopenemi dandiNa i Burahima. Iba atuna hai talu pulona parena roo indo, Ia mowei wori AturaNa Musa. Agaiana Atura iti bara mpuu mobaliki dandina Pue Ala au Napaarami hangkoia i Burahima. DandiNa iti batena mewali.

Galatia 5:16

Tunggaiaku node: hangangaa naninike Inao Malelaha bona datike mampeulai peundeana lalunta au kadake.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Kolose 2:4

Ope-ope ide kuuliangaakau datikau rapakanawo tauna au moakalangikau hai lolita au momi.

2 Timotiu 4:18

Hai ide-ide batengku nakabaha Pue hangko i ope-ope au kadake, hai Naantina mesua i lalu poparentaNa i suruga au bara ara kamakurana. Tapomahilemi hangaNa hawe i hae-haena. Amin!