1 Korintu 15:45 - Sura Malelaha

⁴⁵ Ara teuki i lalu Sura Malelaha au manguli, “Tauna au nguru-nguruna napopewali hai napatuwo Pue Ala iami Adama. Agaiana Kerisitu peisa rauli Adama au kahopoana. Iami au moweike katuwo maroa au bara mokahopoa.”

1 Korintu 15:45 ပူးပေါင်းရင်းမြစ်များ

Yohane 1:4

Iami pongka katuwo. Hai katuwoNa mopamabaa laluna manusia.

Yohane 10:10

Ane tauna ntanina mouli kaihiranami Datu Topehompo, ihira peisa rapandiri nodo topanangka. Topanangka, mai peahe manangka, mepapate hai mepaope. Agaiana kamaiNgku ide bona manusia molambi katuwo au rumihi kamaroana.

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 5:21

Nodo UmaNgku mampopearo tomate hai moweihe katuwo, Iko wori mowei katuwo i hema pea moula peundeaKu.

Yohane 6:33

Paande au naweikau Pue Ala, iami, Ia au mendaulu mai hangko i suruga hai au mowei katuwo i manusia i dunia.”

Yohane 6:54

Tauna au moande ontoKu hai moenu waheNgku, ina molambihe katuwo maroa au bara mokahopoa, hai ina Kupopearohe hangko i kapate i alo pebotusi,

Yohane 6:57

UmaNgku au motuduNa, Iami pongkana katuwo, hai Iko tuwo hangko Iria. Nodo wori tauna au maande ontoKu, molambihe katuwo hangko Iriko.

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Yohane 6:68

Mehana Simo Peturu, nauli, “Ane kipalehiKo Pue, i hemamongkai lao? Oio pea au mohowara lolita au mopaara katuwo maroa hawe i hae-haena.

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

Roma 5:17

Anti peliungina tauna au hadua iti, kapate mokuasai ope-ope tauna anti pohintuwunda hai tauna au hadua iti. Agaiana melumbu mpuu kamaroana babehiana tauna au hadua, iami Yesu Kerisitu! Hema pea au mepoinalai Iria molambihe kuasa hai katuwo maroa au bara mokahopoa. Iti ralambi anti kabulana laluna Pue Ala, lawi mahile mpuu kamaahiNa irikita. Ia moimbake manoto i peitaNa anti pohintuwuta hai Yesu Kerisitu.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

1 Korintu 15:46

Pue Ala bara liliu mobaliki watanta. Nguru-nguruna Ia moweike watanta ide au hintoto maida i dunia ide. I alo au ina mai, hangko Naweirike wata au hintoto maida i suruga.

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

Pampetudungia 16:3

Malaeka karoduana mobumbuha ihi pambolia karumpuna Pue Ala i tahi. Owai tahi iti mewali nodo wahe tomate, alana matehe ope-ope au tuwo i lalu tahi.

Pampetudungia 21:6

Hangko indo, Nauliangaa mbulina, “Hopomi! Ikomi, Alpa hai Omega, Au pepongkana hai Au Kahopoana. Tauna au mangkadou, Kuweihe owai hangko i ulu owai au mopaara katuwo maroa au bara mokahopoa. Owai iti Kuwei mberohe, bara raholo.

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 22:17

Inao Malelaha hai towawine au rataunaa Ana Dimba manguli, “MaimoKo!” Hai ope-ope tauna au mohadi lolita ide, hangangaa manguli worihe, “MaimoKo!” Hema au mangkadou, maimokau! Ane niunde, maimokau maenu owai au mopaara katuwo. Hai bara niholo!