1 Korintu 15:32 - Sura Malelaha

³² Tangangku inde i wanua Epesu, raewana tauna au nodo binata maila. Ane rapana tomate bara ina rapatuwo hule, apa bunduna hinangkana au kutodiha iti? Ane rapana tomate bara ina rapatuwo hule agina taula lolita au manguli node: “Maande hai maenu peamoke mohaoki katana-tana, lawi hangalo rongalo tuwoke, hai roo indo matemoke.” Nodomi lolitanda tauna hanggaa.

1 Korintu 15:32 ပူးပေါင်းရင်းမြစ်များ

Lukasi 12:19

Roo indo, barapona paraluu mobago, lawi ngkaiami pambolingku, melabi-labimi hai barapi ina ope. I tempo iti, ina maande hai maenu pearaina i lalu katana-tana!’

Lukasi 9:25

Apa bunduna morampuke ope-ope peawa i dunia ide, ane barake molambi katuwo maroa i alo pebotusi?

Suro 18:19

I polumaonda iti, mehupehe i wanua Epesu, hai Paulu lao i sou penombaa hai mombepakana i lolita hai to Yahudi au teruhuhe inditi. Tauna iti merapi bona Paulu mahae haodi hihimbela hai ihira, agaiana bara naunde. Nauri nodo, i pelingkana, nauliangaahe, “Ane napokana Pue Ala, ina mesule peana mai inde.” Priskila hai Akwila maida liliuhe i Epesu, agaiana Paulu mopaliliumi polumaona mesawi i kapala tahi lao i tampo Siria.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Roma 3:5

Mewali, babehiana manusia au bara manoto mopatongawa kamanotona Pue Ala. Agaiana inee tapehangu Pue Ala bara manoto ane Nahukuke anti babehianta au kadake. Arahe manusia au mampehangu nodo,

Roma 6:19

Ngkora pandiriku ide kupake bona mamura kaniisana paturongku. Hangkoia napohawikau dosa, lawi moula peakau peundeana lalumi au kadake hai au bara hintoto, alana napohingka rumihiri kakadakena babehiami. Agaiana ide-ide, agina nihuhu watami i Pue Ala bona mewalikau hawiNa alana manoto babehiami hai malelaha tuwomi.

1 Korintu 16:8

Agaiana ide-ide, hangangaa maidana hampai inde i Epesu duuna hawe Alo Mahile Pendauluna Inao Malelaha,

Galatia 3:15

Halalu, kuala pandiri hangko i katuwonta alo-alona. Pandirina node: ara hadua tauna au mouki sura podandi. Ane sura iti ratekengi hai rapekatandai moula atura topoparenta, ihina barapi peisa ratambai tauna ntanina hai tunggaiana barapi peisa rabaliki.

2 Peturu 2:12

Agaiana guru au mepakanawo iti, bara manoto pekirinda. Mosasalaihe apa au bara raisa. Babehianda nodo binata au bara ara pekirinda. Ihira nodo binata maila au rapoanaka bona rapakala hai rapapatehe. Ihira ina nahukuhe Pue Ala anti babehianda au kadake.

Yudasi 1:10

Agaiana guru au mepakanawo iti, mopapakoihe au makuasa au bara raisa. Au raisa pea, babehia au nodo babehia binata au bara ara pekirinda. Hai anti babehianda iti, ido hai ina molambihe pehuku.