1 Korintu 15:13 - Sura Malelaha

¹³ Ane rapana barahe ina tuwo hule tomate, manoto barato tou katuwo hulena Kerisitu.

1 Korintu 15:13 ပူးပေါင်းရင်းမြစ်များ

Suro 23:8

Pombehanainda iti, lawi toSaduki mosapuaka katuwonda hule tauna au mate, hai barahe mampoinalai kaarana malaeka, hai bara worihe mampoinalai kaarana tanoana. Agaiana toParisi, batenda mampoinalai ope-ope iti.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

Roma 8:23

Hai bara pea dunia ide au mantodiha. Ikita au modokomoke Inao Malelaha, mantodiha worike i lalu katuwonta. Mampegiake tempona Pue Ala mokabaha watanta hangko i kapate, Nadokoke nodo anaNa, hai Naweike katuwo mahile moula podandiNa irikita.

1 Korintu 15:12

Mewali, ane kibambari katuwo hulena Kerisitu hangko i kapate, moapari hai ara mani tauna i olomi au mosapuaka katuwo hulenda tomate i alo pobotusia?

1 Korintu 15:14

Ane rapana Kerisitu bara tuwo hule, bara ara bunduna pobagongki mopahawe Ngkora Marasa, hai bara wori ara pobunduana pepoinalaimi. Lawi ane Kerisitu bara tuwo hule, mampoinalaimokau bambari au bara tou.

1 Korintu 15:20

Agaiana idemi paturo au tou, Kerisitu rapatuwo hulemi. Ia au nguru-nguruna tuwo hule hangko i kapate. Hai karapatuwo huleNa mopakanoto kaina rapatuwo hulenda wori ope-ope tomate.

1 Tesalonika 4:14

Ane tapoinalai Pue Yesu au mate hai napatuwo hule Pue Ala, hangangaa tapoinalai wori ope-ope tauna au mate au mepoinalai Iria ina tuwo hule worihe. Hai ina naguluhe Pue Ala hihimbela hai Yesu.

2 Timotiu 4:8

Mewali ide-ide, tepasilolongami paraseengku i suruga anti penangingku, lawi kupeulaimi peundeana Pue. Paraseengku iti ina naweina Pue, Topebotusi au manoto i alo pebotusi. Hai bara iko pea au ina molambi parasee iti. Agaiana ina rawei worihe ope-ope tauna au hangko i lalunda mampegia kahaweNa hule Pue.

Ibarani 13:20

Mekakaena i Pue Ala, pongka roa ngkatuwo au mopakaroho podandiNa au mopahintuwuke hai Ia hawe i hae-haena, melempo i wahena Amputa Yesu au rapapate hai au Napatuwo hule hangko i kapate, hai Naangka mewali Toporewu au meliu kamaroana irikita dimbaNa.

Ibarani 2:14

Tauna au napoanahe Pue Ala, tauna biasa peahe au hangangaa mate. Ido hai Yesu mewali wori manusia hai tuwo nodo tauna biasa bona anti kapateNa Ia mogero kuasana Datu Tokadake au mopaara kapate.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.