1 Korintu 15:11 - Sura Malelaha

¹¹ Arakau au kupaturo, ara worikau au rapaturo suroNa Pue Yesu au ntanina, agaiana bara topobambari Ngkora au tapaioru. Au tapaioru iami Ngkora Marasa au kibambariakau hai au nipoinalai.

1 Korintu 15:11 ပူးပေါင်းရင်းမြစ်များ

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 15:12

Mewali, ane kibambari katuwo hulena Kerisitu hangko i kapate, moapari hai ara mani tauna i olomi au mosapuaka katuwo hulenda tomate i alo pobotusia?

1 Korintu 2:2

Lawi kupakanotomi i lalungku: mepongka i kahawengku irikamu, barana ina mampololita au ntanina, batena pea Yesu Datu Topehompo au mate rapaku i kau mombehape.