1 Korintu 14:39 - Sura Malelaha

³⁹ Mewali halalu, hangangaa nipari-pari molambi kapande mopahawe lolita hangko i Pue Ala, agaiana inee worihe nikonto au mololita i lalu basa au hangko i Inao Malelaha.

1 Korintu 14:39 ပူးပေါင်းရင်းမြစ်များ

1 Korintu 12:31

Mewali, hangangaa nipari-pari mpuu bona molambikau kapande hangko i Inao Malelaha au meliu kamaroana. Agaiana ara au melumbu ntepuu kamaroana, itimi au ina kupahaweakau.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 14:1

Mewali, au hangangaa tapaioru, iami kamaahinta i ranganta, hai hangangaa tapari-pari wori molambi kapande hangko i Inao Malelaha. Agaiana kapande au meliu pobunduana, iami kapande mopahawe lolita hangko i Pue Ala.

1 Korintu 14:3

Agaiana hema au mopahawe lolita hangko i Pue Ala, mopaturohe tauna, lawi lolitanda mopakaroho pepoinalainda ranganda, mohuweki lalunda hai mopalindohe.

1 Korintu 14:38

Agaiana ane barahe mampoinalai paturongku ide, ineehe rapoinalai!

1 Korintu 14:5

Peundeaku halalu bona ikita ope-ope peisake mololita i lalu basa hangko i Inao Malelaha. Agaiana ane mopahaweke lolita hangko i Pue Ala, itiri au meliu kamaroana. Lawi ane mopahaweke lolita hangko i Pue Ala, meliu pobunduana i ranganta pane mololitake i lalu basa au hangko i Inao Malelaha. Agaiana ane arahe au mopalimba basa iti bona manoto lempona, hangko arari pobunduana mopakaroho lalunda jumaa.

1 Tesalonika 5:20

Inee bara nipoinalai lolitana Pue Ala au rapahawe tuduaNa.